Santiago de Compostela será territorio xogantín durante o verán
27/7/2017
O Departamento de Lingua Galega do Concello de Santiago de Compostela presenta a segunda edición do programa “A rúa é nosa! Compostela Territorio Xogantín”, unha iniciativa deseñada para crear espazos de socialización en galego a través do xogo. O programa, dirixido a nenas e nenos de entre 6 a 10 anos, desenvolverase entre o 31 de xullo e o 1 de setembro, de 11:30 a 13:30 horas. Para participar, os/as cativos/as só teñen que achegarse ao punto de encontro situado na Praza 8 de Marzo e despois poderán gozar de diferentes actividades lúdicas acompañados por monitores da empresa Xandobela. Podes ampliar información premendo aquí.
