Aberto o prazo de inscrición da xornada que analiza a relación da arte co pensamento

O Consello da Cultura Galega estrea novo ciclo de xornadas que pretenden afondar na arte conectándoo con outras perspectivas. A primeira das paradas centrase en analizar a relación da arte co pensamento e, polo tanto, leva por título “Entre o pensamento e a arte”. A cita ten aberto o prazo de inscrición no web do CCG e xuntará, o vindeiro martes 28 de novembro, diferentes tipos de pensamentos filosóficos ou intelectuais arredor da arte. Miguel Fernández-Cid, Asunta Rodríguez e Jesús Pastor Bravo son os coordinadores desta proposta.
Conectate o Consello da Cultura Galega en Facebook, Twitter ou comparte esta nova:

A primeira sesión deste novo ciclo serve para reunir diferentes tipos de pensamento filosófico ou intelectual que tratan sobre a arte, pero que non son exclusivamente estéticos senón máis globais. Formulámoslles como punto de partida a idea de tradución: dunha lingua a outra, dunha imaxe visual a un relato, dunha proposta literaria a unha obra visual, ou a análise do propio sentido da tradución. José Yuste, Tom Skipp e José Jiménez son os expertos que participan nesta primeira cita.

Outras noticias que te poden interesar: