----

O Consello da Cultura Galega lamenta a morte de Carlos García Martínez, director do Museo do Pobo Galego

O Consello da Cultura Galega lamenta profundamente o pasamento de Carlos García Martínez, director do Museo do Pobo Galego. Licenciado en Dereito e entusiasta estudoso da arqueoloxía, folclore e etnografía de Galicia, Carlos García Martínez estivo fondamente vinculado ao Consello da Cultura Galega. Foi representante do Consello Galego de Museos no Pleno do CCG entre 2007 e 2018 e membro da Sección de Patrimonio e Bens Culturais. Tanto desde a súa presenza no Consello da Cultura Galega como na dirección do Museo do Pobo Galego, Carlos García Martínez foi un incansable defensor dos valores culturais do pobo galego e un dos principais valedores da nosa memoria colectiva. A capela ardente abrirase no Museo do Pobo Galego desde mañá, domingo 18 de marzo, ás 16 h. O sepelio celebrarase o luns 19 de marzo ás 17 h. en Santa María de Figueiras (Santiago de Compostela).
Conéctate co Consello da Cultura Galega en Facebook, Twitter ou comparte esta nova:
O Consello da Cultura Galega lamenta a morte de Carlos García Martínez, director do Museo do Pobo Galego