Organizados polo Centro de Documentación Sociolingüística do Consello da Cultura Galega, ocuparanse de temas como lingua e mocidade, a promoción do galego como política pública e o impulso do idioma no ámbito municipal ou na administración de xustiza. Trátase do único foro regular, convocado anualmente, para o estudo, a reflexión e o debate sobre a planificación lingüística e todo o relacionado coa promoción do noso idioma. No acto inaguural ás 10 horas, intervirán Ramón Villares, Presidente do Consello da Cultura Galega, Anxo Lorenzo, Secretario Xeral de Política Lingüística, e Henrique Monteagudo, Director do Centro de Documentación Sociolingüística de Galicia. O programa ocupará os días 28 e 29 de abril.
O programa do xoves 28 de abril, logo da sesión inaugural, comezará co relatorio “Lingua, cohesión social e desenvolvemento”, presentado polo antropólogo Santiago Prado.
Ás 12´30 horas Carlos Neira falará sobre “Actitudes linguïsticas en Galicia: unha aproximación cuantitativa”.
Ás 16´30 horas chegará o relatorio “Estratexias colaborativas para a difusión dos recursos de planificación lingüística”, no que Susana Mayo e Susana Guitar presentarán “A difusiòn documental nos espazos virtuais: Documentación Especial en Liña e DeLingua”.
Ángel García Vidal referirase aos “Límites legais e rendemento das licenzas compartidas”.
O primeiro día rematará coa mesa de debate “A experiencia neofalante: como achegar a mocidade ao galego?, que contará coas intervencións de Iolanda Gomis, Xurxo Souto, Xurxo Martínez e Xandre Vázquez.
VENRES, 29
Os Encontros proseguirán o venres 29 con especial atención á “promoción do galego como política pública”, relatorio do politólogo Xosé Luís Barreiro Rivas, e unha “Análise da acción política no ámbito municipal”, a cargo de Nel Vidal.
Pola tarde reflexionarase sobre as accións para a promoción do galego desde os concellos nunha mesa redonda na que falarán Hermitas Valencia (BNG), Román Rodríguez (PP) e Francisco Cerviño (PSdeG-PSOE).
Pechará os Encontros unha mesa de traballo sobre “O galego na Administración de Xustiza” cos relatorios de Ana López-Suevos, Martín Ramos, Patricia López e Ánxel Sobriño.
No espazo complementario “Proxecta” presentaranse diferentes recursos e propostas para a normalización do idioma galego, entre eles unha unha historia gráfica da normalización lingüística, elaborada por Rosario Pérez Magdalena..
Coordinados por Susana Mayo e Henrique Monteagudo, os XIII Encontros para a Normalización Lingüística contan coa colaboración da Coordinadora de Traballadores e Traballadoras da Normalización da Lingua e a Secretaría Xeral de Política Lingüística.
Pode descargarse o programa en PDF en:
http://consellodacultura.org/files/2011/03/programa_xiii_encontros.pdf
www.consellodacultura.org
www.consellodacultura.org/arquivos/cdsg/