Filla de pai galego, a súa obra rezuma cultura galega. Recentemente tivemos a honra de que participase na xornada “Conversas trasatlánticas” do Consello da Cultura Galega xunto con Mirta Yáñez e Inma López Silva. Alí recoñeceu ter o corazón partido entre Galicia e Arxentina, falou de viaxes de idas e voltas e como a pegada da emigración inflúe na súa obra.
Conta cunha vintena de publicacións entre as que figuran varios textos en galego, como a novela “A fin da terra” e o “Libro das Seninguais e do único Senigual”, publicadas por Galaxia.