O Instituto Nacional de Estadística fixo públicos os datos sobre a produción editorial de libros en 2017. Trátase dunha estatística de periodicidade anual que elabora o INE para facilitar información sobre o número e as características dos libros e folletos editados en España. Segundo os datos facilitados polo INE, no ano 2017 editáronse en galego 972 títulos (o 1,6% do total editado no Estado), cifra que confirma a tendencia á baixa dos últimos anos (consultar datos de edición en anos anteriores). No que respecta aos datos totais da edición en Galicia, en 2017 editáronse 1.872 títulos, o 41,8% en galego. Podes consultar un resumo desta estatística premendo aquí.
