A visita institucional encádrase no marco dunha serie de contactos que o secretario xeral da OEI desenvolveu con diferentes representantes do ámbito cultural e educativo galego, como o reitor da Universidade de Santiago de Compostela e o conselleiro de Cultura e Turismo.
Sobre a EOI
A Organización de Estados Iberoamericanos para la Educación, la Ciencia y la Cultura (OEI) é o organismo intergobernamental decano do espazo iberoamericano e o primeiro en promover a cooperación multilateral na rexión.
Acaba de cumprir setenta anos e hoxe está formado por 23 Estados membros e 7 países observadores, que conforman a maior rede iberoamericana de creación e intercambio de coñecemento, proxectos e programas en materia educativa, científica e cultural. A OEI conta con 18 oficinas nacionais e a secretaría xeral, cuxa sede está en Madrid.