Subimos cen novos números de A Nosa Terra que dan conta da actualidade do país de finais dos oitenta

Hoxe, 3 de setembro, subimos á rede cen novos números da publicación “A Nosa Terra”. Esta nova entrega abre co número 305 no que se informa, entre outras noticias, dun proxecto urbanístico que pretende construír unha gran praza e edificio de vivendas na rúa Hortas en Santiago de Compostela. Entre os temas dese ano destacamos a denuncia deste xornal de que un armador holandés despide a oitocentos mariñeiros galegos amparándose na lexislación panameña. O conflicto sobre a galeguidade da obra de Cela trala concesión do Premio Nóbel, a Iniciativa popular por unha lei forestal son algunhas das novas que se publicaron no período desta nova entrega. Pecha co número 405 no que este xornal fai unha reflexión sobre a política forestal. Ese exemplar denuncia que o Buró Europeo de Méio Ambiente inicia unha campaña contra a celulosa do grupo Flick proxectada nas Pontes, e que hai un informe das comunidade europeas que recomenda reducir a extensión do eucalipto na Galiza.
Conéctate co Consello da Cultura Galega en Facebook, Twitter ou comparte esta nova:

Accede ao fondo desde aquí