----

Galeguiza-T difunde a riqueza e diversidade da música en galego

O colectivo Galeguiza-T, composto por un grupo de estudantes do IES Neira Vilas de Oleiros que participan activamente no Equipo de Dinamización da Lingua Galega do centro, está a difundir nas redes a iniciativa Nova antoloxía da música galega contemporánea, unha lista de Spotify con máis de 200 artistas ou grupos contemporáneos que fan música en galego. O obxectivo é difundir entre a mocidade a riqueza e diversidade da música feita no noso idioma, que abrangue estilos tan variados coma o trap, o reggaeton, o death metal, o heavy, a bachata, a cumbia, o indie ou o jazz, entre outros.
Conéctate co Consello da Cultura Galega en Facebook, Twitter ou comparte esta nova: