----

A Mesa e o estudantado de medicina reivindican o uso do galego na sanidade

A Mesa pola Normalización Lingüística e o Grupo de Normalización Lingüística do Estudantado de Medicina da USC presentan unha campaña dirixida a fomentar o uso do galego no ámbito sanitario. Baixo o lema “Falar galego é saudábel” os promotores da iniciativa queren concienciar ao persoal sanitario e aos propios doentes de que o uso do galego é un indicador máis de calidade na prestación dos servizos sanitarios, xa que contribúe á precisión e comprensión comunicativa entre as partes. Co ánimo de difundir esta idea, repartiranse entre os centros médicos e hospitais públicos carteis informativos e chapas co lema da campaña. Podes ampliar información premendo aquí.