Subimos á rede tres documentos de Martín Sarmiento no día do seu nacemento

“A noite do 9 de marzo nacín e o día 19 bautizáronme co nome de Pedro Joseph” escribiu o propio Martín Sarmiento no “Catálogo dos pregos”, o documento no que condensa a súa propia vida. Aproveitamos que se cumpren 325 anos do seu nacemento para dar a coñecer tres autógrafos dun dos máis importantes e orixinais legados intelectuais da Ilustración española e promotor do desenvolvemento do galeguismo contemporáneo.
Conéctate co Consello da Cultura Galega en Facebook, Twitter ou comparte esta nova:

Sarmiento investigou e reflexionou sobre case todos os ámbitos de coñecemento do momento: botánica, xeografía, filoloxía, historia, economía, antropoloxía, entre moitos outros. Todo orientado ao estudo de Galicia nos seus distintos aspectos, cun afán abertamente reivindicativo con miras ao seu progreso material e espiritual. Unha boa parte da obra de Sarmiento permanece inédita ou é escasamente coñecida.

Con respecto do seu nacemento, incluímos este fragmento do “Libro de Actas de los PP. del Consejo de este Monasterio de San Martín de Madrid”, que comprende os anos que van desde 1659 a 178, no que queda clara a súa orixe pontevedresa.

nota: o teu navegador non soporta pdf incrustado:
Descargar PDF.



Fonte: Biblioteca Dixital Hispánica

O Consello da Cultura Galega, co patrocinio da Xunta de Galicia, en colaboración co Instituto da Lingua Galega (Universidade de Santiago de Compostela) e co concurso doutras institucións culturais galegas e españolas, dixitalizou un amplo material do que hoxe recuperamos tres documentos que dan conta dos seus amplos e variados ámbitos de coñecemento.

O primeiro deles é un autógrafo dunha carta que lle envía ao Duque de Medina Sidonia no que fala da electricidade

nota: o teu navegador non soporta pdf incrustado:
Descargar PDF.




O segundo dos documentos que aproveitamos para difundir é outra carta que remite a o Duque de Medina Sidonia no que fala da "árbore do amor".

nota: o teu navegador non soporta pdf incrustado:
Descargar PDF.



Fonte: Colección Medina Sodonia

O terceiro e último dos documentos que hoxe subimos, é unha carta de Martín Sarmiento ao seu irmán, no que lle fala de atúns e almadrabas.

nota: o teu navegador non soporta pdf incrustado:
Descargar PDF.



Fonte:Fundación Penzol