A AGAL presenta unha páxina web sobre Ricardo Carvalho Calero
14/5/2020
A Associaçom Galega da Língua (AGAL) presenta a páxina web Ricardo Carvalho Calero. Construtor do Galego. Nela atoparás información sobre a vida e a obra deste autor, ao que se lle dedica neste ano 2020 o Día das Letras Galegas, e unha sección de recursos con unidades didácticas para o ensino, pezas audiovisuais ou unha análise da novela Scórpio sobre os episodios biográficos inspirados na vida do propio autor. Así mesmo, ofrece información sobre os eventos que se están a organizar en homenaxe a Ricardo Carvalho Calero, tanto os promovidos pola AGAL (concursos literarios e musicais, exposicións, lecturas colectivas…), como os promovidos por outras institucións e entidades galegas.
