O Consello da Cultura Galega presentará o sábado a publicación "De gaiteiro a gaiteiro" e avanza a súa xénese nun especial

O Consello da Cultura Galega difunde desde hoxe o especial web “De gaiteiro a gaiteiro” no que dá conta da xénese da publicación homónima que presentará o sábado, a coincidir co Día de Galicia. En catro capítulos ofrecerase a historia dun libro que xunta a dous gaiteiros senlleiros da música galega: Ricardo Portela e Carlos Núñez.