Hoxe publicamos a segunda reportaxe que analiza as cartas cruzadas entre Luís Seoane e Isaac Díaz Pardo e que colgaremos na rede o vindeiro día 22 de agosto, co centenario do nacemento de Díaz Pardo. Esta análise esmiuza as reflexións que lles producen a estes intelectuais o fenómeno migratorio. Isaac Díaz Pardo, pendente das súas fábricas de cerámica desde Galicia e Arxentina, escrebe a un Luís Seoane itinerante que percorre o mundo tralas súas exposicións, eventos e a produción artística.
