Teñen cabida dous tipos de agrupamentos. Por unha banda, atópanse as entradas que permiten recuperar a memoria e a historia de grupos ou colectivos organizados e identificados cos movementos feminista e LGTBIQ+. Por outra, preséntanse as entradas que achegan a memoria de mulleres ocupadas en ámbitos e espazos de produción concretos, que sería imposible tratar de xeito individualizado debido á escaseza de referencias conservadas sobre cada unha delas.