Mesa redonda sobre o futuro do multilingüismo en Europa
22/9/2020
No marco do acordo institucional asinado o pasado mes de maio, o Instituto Cervantes, o Institut Ramón Llull, o Etxepare Euskal Institutua e o Consello da Cultura Galega organizan a mesa redonda “Comunidade e diversidade. O futuro do multilingüismo en Europa”, que terá lugar o vindeiro xoves, 24 de setembro, a partir das 19:00 h na sede do Instituto Cervantes de Berlín, e que tamén poderás seguir a través de Youtube. No acto, deseñado para festexar o Día Europeo das Linguas, participarán Ramón Villares, Juan José Alvarez, Luis García Montero, María José Gálvez, Dieter Ingenschay e Jordi Amat.
Centro de Documentación Sociolingüística de Galicia (CCG)
