----

Curso sobre estratexias de comunicación para SNL

A Coordinadora de Traballadores/as de Normalización da Lingua, en colaboración coa Universidade de Vigo e a Secretaría Xeral de Política Lingüística da Xunta de Galicia, organiza un curso en liña sobre estratexias comunicativas dirixido especialmente a técnicos/as de servizos de normalización lingüística (SNL) e traballadores/as de empresas, asociacións ou outras entidades relacionadas coa normalización do galego. O curso, que será impartido por Emma Torres Romay, profesora titular de Estratexia Publicitaria da UVigo, desenvolverase a través do Campus Remoto da Uvigo os días 22, 23, 29 e 30 de outubro e 5 e 6 de novembro, en horario de 9:00 a 11:00 h. O prazo de inscrición será entre o 5 e o 16 de outubro de 2020. Podes ampliar información sobre os contidos e mais os trámites de inscrición premendo aquí.