----

Comeza Filmesturas, o festival de curtas en linguas minorizadas

Mañá, 9 de outubro de 2020, inaugúrase na Coruña Filmesturas, un festival de curtametraxes rodadas en linguas minorizadas que se celebrará entre os días 9 e 12 de outubro nos concellos da Coruña, Sada, Oleiros e Cambre. Os asistentes terán a oportunidade de visionar obras en galego, catalán, éuscaro, quechua, tagalo, afrikaans ou samoano. Como actividade complementaria ás proxeccións, diferentes profesionais da interpretación, o ensino e a normalización lingüística reflexionarán sobre a vertente sociolóxica, educativa e lingüística do audiovisual. Podes coñecer a programación completa do certame premendo aquí.