NA VOZ
Miguel Ángel Cajigal, el Barroquista
É docente, investigador e divulgador cultural. Licenciado en Historia da Arte e Diploma de Estudos Avanzados na Historia da Arte e da Música pola Universidade de Santiago de Compostela. Forma parte do Servizo de Educación da Cidade da Cultura de Galicia. É membro do Consello Internacional de Museos (ICOM) e do Consello Internacional de Monumentos e Sitios (ICOMOS). É experto do Comité Internacional de Lugares de Relixión e Rituais (PRERICO). Desenvolveu as súas investigacións en institucións coma o Kunsthistorisches Institut de Florencia ou a Kunstbibliothek de Berlín. Ten colaborado como profesor ou conferenciante con institucións coma a Colgate University, Consorcio de Santiago, Universidad de Málaga, Comité Español de Historia da Arte, Museo de Almería ou o consorcio Vassar College - Wesleyan University, entre outras. No eido do patrimonio cultural, foi redactor do estudo oficial do Camiño Norte a Santiago de Compostela pola Xunta de Galicia e director de proxecto para a Dirección Xeral do Patrimonio Cultural. Tamén foi asesor en intervencións en bens culturais de toda Galicia, como os retablos de Manuel de Prado na Capela de Ánimas de Compostela ou os frescos renacentistas de Santa María de Nogueira de Miño.
Como El Barroquista mantén un activo perfil de divulgación artística e cultural en Internet e redes sociais (Twitter, Instragram, YouTube) e no seu propio espazo web. Colabora no programa Galicia por Diante da Radio Galega e intervén como asesor en diferentes medios de comunicación social e tradicional.
NA OBRA
Jorge Perianes
Sen título
2007.
Medidas: 172 x 114 cm
Madeira, pintura acrílica, arxila encolada.