Conmemoración colectiva da obra de Rosalía e dos/as autores/as das nosas Letras
16/2/2021
O Servizo de Normalización Lingüística (SNL) da Mancomunidade de Ordes organiza a actividade "Rosalía e as nosas Letras", co ánimo de conmemorar entre a comunidade educativa o Día de Rosalía (que se celebrará o vindeiro 24 de febreiro) e mais o Día das Letras Galegas, que este ano 2021 está dedicado a Xela Arias. A actividade está dirixida ao alumnado de educación primaria e ESO dos centros educativos da comarca de Ordes (concellos de Cerceda, Frades, Mesía, Ordes, Tordoia e Trazo). Para participar cómpre crear un vídeo ou audio recitando versos de Rosalía de Castro, ou un fragmento da obra de calquera outro/a escritor/a ao/á que se lle dedicaran as Letras Galegas, e colgalo no evento de Facebook creado para a ocasión. Repartiranse diferentes premios entre os/as autores/as dos vídeos e audios máis valorados. Para ampliar esta nova, preme aquí.
