----

Convócase o XI Certame de curtas AS-PG

A Asociación Socio-Pedagóxica Galega convoca a undécima edición do seu Certame de curtas, deseñado para promover a creación audiovisual como canle de difusión da lingua e literatura galegas. O certame inclúe dúas categorías, unha xeral e outra destinada especificamente aos centros de ensino. A temática das pezas debe xirar arredor da literatura galega de calquera época. Poden presentarse curtas inéditas ou que fosen estreadas entre o 1 de setembro de 2018 e o 13 de novembro de 2021. O prazo de presentación remata o vindeiro 12 de novembro, ás 14 h. Podes consultar as bases completas do certame premendo aquí.