----

A RAG celebrará o acto central das Letras Galegas 2022 en Córgomo

O vindeiro 17 de maio, Día das Letras Galegas, a Real Academia Galega celebrará unha sesión extraordinaria e pública dedicada a Florencio Delgado Gurriarán. O acto terá lugar en Córgomo (Vilamartín de Valdeorras), a vila natal do autor homenaxeado, e nel intervirán a académica Rosario Álvarez e os académicos Ramón Villares e Xesús Alonso Montero, así coma o presidente da institución, Víctor F. Freixanes, que será o encargado de pechar a sesión. Igual que aconteceu en anteriores edicións, a sesión poderá seguirse en directo desde o sitio web da RAG.
Podes ampliar información premendo aquí.