Luisa Martínez, responsable da Unidade de Cultura Científica do CSIC en Galicia é a coordinadora desta cita que busca fomentar o debate sobre o estado da pesca, a sustentabilidade, a conservación da biodiversidade ou a aparición de especies invasoras, a través da traxectoria profesional das persoas de diferente perfil que dedican ou dedicaron a súa vida ao traballo no mar.

Esta actividade, programada dentro das festas locais, forma parte do proxecto “Ciudad Ciencia” que mantén o CSIC para que os cidadáns de localidades máis pequenas coñezan de primeira man a actualidade científica e tecnolóxica.