----

Premio Honorífico Martín Códax para o grupo Fuxan os Ventos

O 5 de outubro, no Pazo da Cultura de Pontevedra, os Premios Martín Códax da Música van recoñecer a Fuxan os Ventos co seu galardón honorífico por seren para a cultura e a lingua galegas un proxecto pioneiro e histórico.

Cando se cumpren 50 anos da súa creación, este premio únese ás moitas homenaxes recibidas durante 2022 polo éxito e a dimensión social das súas creacións, vinculadas á canción protesta e tamén á Galicia rural.