«Llega un tiempo en que los cuerpos más solidos se descomponen, solo el ideal es incorruptible». É o texto que, xunto coa bandeira de España e xunto co escudo de Galicia e de Santander, aparece na portada da revista Acción Española. Revista fundada por Manuel Vidal Martínez quen foi o seu director e propietario. Nos números editados defínese como unha revista «dedicada a estrechar los lazos de España con los países Hispano-Americanos, y muy especialmente todo cuanto tienda a la fraternidad Hispano-mexicana». Foi creada pois, para informar a colonia española residente en México polo que conta con moitas noticias sobre a política e os políticos españois do momento, así como dos mexicanos. Tamén ten páxinas culturais e sociais, con información de todo o que acontece na capital e que poida ser de interese para os españois alí residentes. Hai numerosos artigos sobre toureiros e temas taurinos, moi populares no país azteca.
O repertorio de Prensa da Emigración incorpora 25 números de dúas 1924-27 e 1930, 1932 e 1934. Foi unha publicación de periodicidade irregular, que comeza tendo saída mensual, pero en 1925 convértese nuns meses en quincena para pasar en 1927 a ser bimensual. Escrita en castelán, tivo moita presenza gráfica, sobre todo nas páxinas de acontecemetos sociais, e tivo unha extensión variable, entre 20 e 48 páxinas, aínda que os números extraordinarios poden chegar a ter 98 páxinas.
No primeiro número aparece un decálogo de intencións da publicación. Entre elas destacan o desexo do equipo editorial en manter as raíces españolas da colectividade e da unión entre España e México: «procurar la defensa de los intereses españoles (...); establecer una campaña para la unidad de la colonia española en México aceptando todos los espíritus regionalistas, dentro de la Casa de España; establecer una oficina de información de la colonia; dedicar especial atención a los asuntos de la Beneficencia Española, procurando que todo compatriota sea socio de ella (...)».