Convocatoria de prazas e bolsas de formación en centros de estudos galegos no exterior


A Consellería de Cultura, Educación e Universidade da Xunta de Galicia publica dúas convocatorias públicas para cubrir cinco prazas nos lectorados de lingua, literatura e cultura galegas das universidades de Barcelona (UAB), Kiel, Leipzig, Oxford e País Vasco; e seis bolsas de formación nos lectorados das universidades de Madrid (UCM), Padua, París (París III), Río de Janeiro, Salvador de Bahia e Zadar. En ambas as dúas convocatorias, o prazo de presentación de solicitudes é dun mes, contado a partir do día seguinte ao da súa publicación.