A Sección de Literatura e Industrias da Edición do Consello da Cultura Galega está a organizar unha nova tertulia que terá lugar o vindeiro 6 de maio, ás 17:00 h., e que versará nesta ocasión sobre o significado do Día das Letras Galegas.

Nesta tertulia, que será moderada por Miguel Anxo Fernán-Vello, intervirán como convidados Carlos Negro, Xosé Antón Pedreira e Pilar Sampedro.