Resólvense os Premios Bacelos de Prata 2022


A Asociación Álvaro das Casas fixo públicos os galardoados da décimo cuarta edición dos Premios Bacelos de Prata, pensados para recoñecer o labor de empresas que apostan polo galego como marca de calidade na etiquetaxe dos seus produtos. As entidades galardoadas nesta edición son a Adega Terras Bendaña, da denominación de orixe Ribeira Sacra; e a Adega Celme, da denominación de orixe Ribeiro. Os premios entregaranse o 15 de outubro de 2022, no Pazo Ulloa de Esposende (Ribadavia).