A Unidade de Divulgación Científica e Cultural e o Servizo de Normalización Lingüística da Universidade da Coruña volven colaborar co CSIC para publicar en galego o Calendario Científico Escolar.

Ademais das efemérides dos ámbitos da ciencia e a tecnoloxía que se vinculan a cada día do ano, o calendario conta cunha guía didáctica orientada ao ensino primario e o secundario obrigatorio. Ambos os recursos ofrécense en edición dixital descargable.