Novas da lingua. CURSOS E CONGRESOS

Rexistros721 a 744 de 744
  1. Inicio
  2. CDSG-CCG
  3. Novas da lingua
  4. CURSOS E CONGRESOS
14/09/2004. CURSOS E CONGRESOS

Cursos de lingua galega no Concello de Santiago

A Concellería de Política Lingüística do Concello de Santiago convoca dous cursos de lingua galega (niveis de iniciación e perfeccionamento) abertos ao público xeral. A inscrición realizarase no Rexistro Xeral do Concello entre o 15 e o 25 de setembro, en horario de 9 a 14 horas.

Se desexa máis información, pode dirixirse ao Departamento de Lingua Galega (981 542409 / dlg@aytocompostela.es)
06/09/2004. CURSOS E CONGRESOS

Cursos de linguaxe administrativa galega para a Administración local

A Consellaría de Xustiza, Interior e Administración Local convoca, no DOG do 20 de agosto de 2004, cursos de linguaxe administrativa galega (niveis básico, medio e superior) para o persoal da Administración local galega.

O prazo de presentación de solicitudes será de corenta días naturais, contados a partir do seguinte ao da publicación desta convocatoria.


13/07/2004. CURSOS E CONGRESOS

Convocatoria de cursos de lingua galega para a Universidade da Coruña

O Servizo de Normalización Lingüística da Universidade da Coruña presenta unha nova oferta de cursos de lingua galega destinada ao alumnado de fóra da Comunidade Autónoma de Galicia e ao persoal de administración e servizos desta universidade.

Os cursos desenvolveranse entre os meses de outubro e decembro deste mesmo ano e todas as persoas interesadas teñen de prazo para presentar as súas solicitudes ata o 9 de setembro.

Se desexa máis información, prema aquí.
31/05/2004. CURSOS E CONGRESOS

III Simposio Internacional Mercator

Mercator-Educación presenta a terceira edición do Simposio Internacional Mercator, que nesta edición centrarase no tema: Diversidade lingüística e educación: desafíos e oportunidades.

O simposio desenvolverase os días 26 e 27 de novembro de 2004 en Ljouwert/Leeuwarden (Frisia, Holanda). O prazo para enviar comunicacións é ata o 1 de xullo e progresivamente o Centro Mercator-Educación irá achegando máis información no seu web.
05/04/2004. CURSOS E CONGRESOS

XIV Xornadas de Lingua e Literatura

A Asociación Sócio-Pedagóxica Galega e CIG-Ensino organizan unha nova edición das Xornadas de Lingua e Literatura, que se celebrarán os vindeiros días 23-25 de abril na Facultade de Ciencias da Educación, en Santiago de Compostela.

Todas as persoas interesadas teñen de prazo para formalizar a súa matrícula do 13 ao 22 de abril. Se desexa coñecer o programa das xornadas ou acceder ao formulario de matrícula en liña, prema aquí.
31/03/2004. CURSOS E CONGRESOS

Curso de redacción e deseño de traballos de investigación

O Servizo de Normalización Lingüística da Universidade de Santiago de Compostela organiza, dentro do seu programa de formación, un curso de lingua pensado especificamente para todos aqueles estudantes da USC que desexen perfeccionar os coñecementos lingüísticos e informáticos necesarios para elaborar os seus traballos de investigación en galego.
(Máis información)
25/03/2004. CURSOS E CONGRESOS

Curso de linguaxe administrativa-técnicas de redacción

A Escola Galega de Administración pública convoca un curso de linguaxe administrativa e técnicas de redacción para persoal de Administración local.

O curso, de 21 horas de duración, desenvolverase a finais de abril de 2004 nas aulas de formación da Deputación Provincial de Lugo. O prazo de presentación de solicitudes remata o vindeiro 7 de abril.

Se desexa máis información, prema aquí.

03/03/2004. CURSOS E CONGRESOS

VI Xornadas de Orientación e Titoría

A Asociación Sócio-Pedagóxica Galega (AS-PG) e a Confederación Intersindical Galega (CIG) organizan estas xornadas de formación do profesorado, que terán lugar os vindeiros días 5 e 6 de marzo de 2004 no IES Fontiñas, en Santiago de Compostela.
(Máis información)
03/03/2004. CURSOS E CONGRESOS

Cursos de lingua e extensión cultural no exterior

A Consellaría de Educación e Ordenación Universitaria anuncia, no DOG do 3 de marzo de 2004, a convocatoria de cursos de lingua e extensión cultural galega para centros galegos, asociacións de galegos residentes no exterior e grupos de persoas interesadas no idioma e cultura de Galicia.

Se desexa consultar a convocatoria, prema aquí.
24/02/2004. CURSOS E CONGRESOS

Cursos de verán de lingua e cultura galegas

A Universidade de Vigo oferta un curso de lingua e cultura galegas para estranxeiros, que se dispensará do 5 ao 30 de xullo de 2004. O curso conta con 40 horas lectivas, das que 2O se destinarán a contidos de lingua e as outras 20 a coñecementos culturais, ademais das diferentes actividades e saídas lúdico-festivas que se organizarán para os asistentes.

Obterá máis información premendo aquí.
23/02/2004. CURSOS E CONGRESOS

X Congreso Linguapax “Diversidade lingüística, sostemento e paz”


O Institut Linguapax organiza o seu décimo congreso, que nesta ocasión xirará arredor destes tres eixes temáticos: a diversidade lingüística, o equilibrio lingüístico e a paz. O congreso desenvolverase en Barcelona os vindeiros 20-23 de maio, no marco do Foro Universal das Culturas – Barcelona 2004.

Se desexa coñecer o programa provisional ou inscribirse, prema aquí.
23/02/2004. CURSOS E CONGRESOS

Congreso Internacional “As linguas e o futuro de Europa: ideoloxías, políticas e prácticas”

A Universidade de Southampton (Reino Unido) organiza, os días 8-10 de xullo de 2004, este congreso internacional, onde se reflexionará sobre as consecuencias lingüísticas das previsíbeis tensións e conflitos que desencadeará a adhesión de dez novos estados á Unión Europea.

Para máis información, prema aquí.
18/02/2004. CURSOS E CONGRESOS

Novos cursos de lingua galega na Universidade de Vigo

A Área de Normalización Lingüística da Universidade de Vigo presenta a súa propia oferta de formación lingüística para o segundo cuadrimestre do curso académico 2003-2004. Trátase de 6 novos cursos de lingua galega destinados aos diferentes sectores da comunidade universitaria que se desenvolverán nas seguintes modalidades: presencial, non presencial ou bimodal.
03/01/2004. CURSOS E CONGRESOS

II Simposio Internacional Mercator

O Centro Mercator Dret i Legislació Lingüístics organiza o simposio Europa 2004: un novo marco para todas as linguas?, onde se reflexionará sobre o papel das linguas minorazadas nese novo marco que derivará da aprobación da Constitución europea.

O simposio terá lugar os vindeiros 27 e 28 de febreiro na Universidade Rovira I Virgili (Tarragona). Se desexa consultar o programa definitivo ou acceder ao formulario de inscrición en liña, prema aquí.
19/01/2004. CURSOS E CONGRESOS

Cursos de lingua para docentes e de linguaxe administrativa para persoal da Administración pública

A Consellaría de Educación e Ordenación Universitaria anuncia cursos de linguaxe administrativa galega (niveis básico e medio) para o persoal da Administración pública, así como cursos de iniciación e perfeccionamento da lingua para os docentes dos diferentes niveis educativos, tanto de centros públicos como privados.
16/01/2004. CURSOS E CONGRESOS

Cursos de iniciación e perfeccionamento da lingua galega

A Consellaría de Educación e Ordenación Universitaria anuncia, no DOG do 15 de xaneiro de 2004, a organización de cursos de iniciación e perfeccionamento de lingua galega para adultos e colectivos.

Todas as persoas interesadas teñen de prazo para presentar a súa solicitude 20 días hábiles a partir do seguinte ao da publicación deste anuncio no DOG.
15/04/2004. CURSOS E CONGRESOS

A lingua galega a debate na Pobra do Caramiñal

A asemblea comarcal de Galiza Nova do Barbanza organiza unha charla informativa sobre o proceso de normativización e normalización do galego. Nela intervirán Pilar García Negro e Manuel Portas, que reflexionarán, entre outros temas, sobre a actual normativa da concordia e a importancia do seu uso para o proceso de normalización do idioma.

O acto está aberto a todo o público interesado e terá lugar o vindeiro sábado 17 de abril, ás 19.00 h, no salón de actos do ISM da Pobra do Caramiñal.
25/09/2003. CURSOS E CONGRESOS

Simposio Variación e Prescrición

O Instituto da Lingua Galega e a Sección de Lingua do Consello da Cultura Galega organizan o Simposio Variación e Prescrición, que se desenvolverá en Santiago de Compostela, en sesións discontinuas, entre o 13 de novembro e 2 de decembro.
(Máis información)
17/07/2003. CURSOS E CONGRESOS

Cursos de formación en lingua galega e de linguaxe xurídica galega para o persoal da Administración de xustiza

A Consellería de Xustiza, Interior e Administración Local convoca, segundo orde publicada no DOG do 16 de xullo de 2003, cursos de formación en lingua galega (niveis de iniciación e perfeccionamento) e de linguaxe xurídica galega (niveis básico, medio e superior) para o persoal ó servicio da Administración de xustiza. Todas as persoas interesadas teñen de prazo para presentar a súa solicitude ata o vindeiro 31 de xullo.
28/07/2003. CURSOS E CONGRESOS

VII Encontros para a Normalización Lingüística

O Centro de Documentación Sociolingüística de Galicia organiza unha nova edición dos “Encontros para a Normalización Lingüística”, que se celebrarán os vindeiros 23 e 24 de outubro en Santiago de Compostela.
(Máis información)
05/06/2003. CURSOS E CONGRESOS

Cursos de linguaxe administrativa galega para o persoal da Administración local

A Consellería de Xustiza, Interior e Administración Local convoca, segundo a orde publicada no DOG do 4 de xuño de 2003, os cursos básico, medio e superior de linguaxe administrativa galega destinados ó persoal da Administración local.
O prazo de presentación de solicitudes será de corenta días hábiles, contados a partir do seguinte ó da publicación da orde.
11/09/2003. CURSOS E CONGRESOS

Normalización lingüística no tempo libre

A Consellería de Familia, Xuventude, Deporte e Voluntariado organiza as VII xornadas “Interactuando no tempo libre”, que nesta edición incluirán un seminario sobre normalización lingüística no tempo libre, coordinado por Xabier Camba Sanmartín.
(Máis información)
21/04/2003. CURSOS E CONGRESOS

VII Congreso Internacional de Estudios Galegos

A Universitat de Barcelona acollerá, do 28 ó 31 de maio, o VII Congreso Internacional de Estudios Galegos, que xirará arredor de dous temas principais: Mulleres en Galicia e Galicia e os outros pobos da Península.
(Máis información)
16/04/2003. CURSOS E CONGRESOS

XIII Xornadas de Lingua e Literatura

A Asociación Sociopedagóxica Galega e a CIG-Ensino organizan a decimoterceira edición das Xornadas de Lingua e Literatura, que terán lugar na Facultade de Ciencias da Educación, en Santiago de Compostela, os vindeiros 25 e 26 de abril.
(Máis información)
24/09/2003. CURSOS E CONGRESOS

I Simposio galego de Terminoloxía: Terminoloxía e planificación lingüística

A Sección de Lingua do Consello da Cultura Galega e Termigal organizan o I Simposio galego de Terminoloxía, que terá lugar os días 6, 7 e 8 de novembro en Santiago de Compostela.
(Máis información)
26/03/2003. CURSOS E CONGRESOS

Comezan os obradoiros Máis Alá!

Tagen Ata pon en marcha a cuarta edición destes obradoiros de lingua e sociedade, que pretenden espertar o interese e a sensibilidade lingüística entre a mocidade.
(Máis información)
18/02/2003. CURSOS E CONGRESOS

Cursos de formación en lingua galega e en linguaxe administrativa

A Consellería de Educación e Ordenación Universitaria anuncia cursos de formación en lingua galega e en linguaxe administrativa para diversos colectivos.

(Máis información)
19/12/2002. CURSOS E CONGRESOS

Os Centros de Estudios Galegos analizan a súa actividade

A sede da Escola Galega de Administración Pública (Egap) acolleu o 20 e 21 de decembro a segunda edición do Encontro de Centros de Estudios Galegos, ó que asistiron investigadores de 42 universidades de fóra de Galicia nas que se imparte o noso idioma.
(Máis información)
10/12/2002. CURSOS E CONGRESOS

Simposio de competencias lingüísticas

O Instituto de Lingüística da Academia de Ciencias de Rusia abre o prazo para presentar comunicacións neste primeiro encontro que terá lugar en Moscova do 23 ó 26 de outubro de 2003.
(Máis información)
28/11/2002. CURSOS E CONGRESOS

Analizan a promoción das linguas minoritarias da UE

O Buró Europeo para as Linguas Minoritarias (EBLUL) organizou coa Mesa pola Normalización Lingüística unhas xornadas de debate sobre a normalización no ámbito escolar das linguas menos estendidas da UE.
(Máis información)