noticias

Rexistros 1561 a 1590 de 1610
20/02/2003

ALTERNATIVA 2003 ABRE EN COMPOSTELA SEIS SEMANAS DE TEATRO, MÚSICA E DANZA INDEPENDENTE

Seis compañías de teatro, unha de danza, dúas de música, produccións propias, 55 artistas procedentes de Calaluña, Austria, Pais Vasco ou Andalucía e seis semanas de programación. Estas son as primeiras cifras do IV Festival de Alternativo de Teatro, Música e Danza de Compostela, que esta mañá tivo a súa presentación oficial na sede do Consello da Cultura Galega, unha das entidades que colaboran coa Sala Nasa e o Teatro Galán, os organizadores desta iniciativa.
20/02/2003

O ESTUDIO DAS VARIANTES DIALECTAIS DO LÉXICO GALEGO, OBXECTO DUNHA NOVA PUBLICACIÓN DO CCG E O ILGA

O Consello da Cultura Galega acolle mañá, vernes 21 de febreiro, ás 12h. o acto de presentación do libro Dialectoloxía e Léxico, unha publicación que aborda, por vez primeira dun xeito sistemático, o estudio do léxico nas diferentes variantes xeográficas que presenta o galego.
19/02/2003

ALTERNATIVA 2003 PRESENTA NO CCG A SÚA PROPOSTA DE MÚSICA, TEATRO E DANZA PARA COMPOSTELA

Un ano máis, e van catro, a Sala Nasa e o Teatro Galán organizan o Festival Alternativo de Teatro, Música e Danza de Compostela, unha iniciativa que levará a Santiago desde o 21 de febreiro ata o 29 de marzo as propostas nacionais e internacionais máis arriscadas que se están a facer nas artes escénicas nestes momentos.
18/02/2003

O CCG DIXITALIZARÁ UNHA GRAVACIÓN DE ALEXANDRE BÓVEDA DOADA POLA FUNDACIÓN QUE LEVA O SEU NOME

A Fundación Alexandre Bóveda, creada co obxectivo de recuperar a memoria deste galeguista fusilado en 1936, fíxolle entrega esta mañá ao Consello da Cultura Galega dunha gravación orixinal da voz de Bóveda.Trátase dun documento sonoro no que Alexandre Bóveda aparece xunto coa Coral Polifónica de Pontevedra, grupo co que comezou a cantar en 1927.
17/02/2003

EXPERTOS TOMARÁN AS EXPERIENCIAS DO ERIKA E O EXXON VALDEZ COMO BASE PARA UN INFORME SOBRE OS EFECTOS DO 'PRESTIGE'

Baixo a premisa fundamental de avaliar os danos que está a provocar a catástrofe do "Prestige" e favorecer a interacción entre as ciencias sociais e ambientais, o Consello da Cultura Galega presentou este luns o Seminario Científico Internacional "Efectos Económicos, Sociais e Ambientais da marea negra do 'Prestige'", que se desenvolverá en Santiago de Compostela os vindeiros 7 e 8 de marzo.
17/02/2003

O CCG COLABORARÁ COA FUNDACIÓN ALEXANDRE BÓVEDA PARA RECUPERAR UN DOCUMENTO COA VOZ DO ILUSTRE GALEGUISTA

Co gallo da celebración do primeiro centenario do nacemento de Alexandre Bóveda, o Consello da Cultura Galega e a Fundación que leva o nome do ilustre galeguista decidiron levar adiante un proxecto en común como é a dixitalización dunha gravación orixinal da Coral Polifónica de Pontevedra coa voz de Alexandre Bóveda.
14/02/2003

O CCG PRESENTA O PRIMEIRO ENCONTRO DE EXPERTOS PARA AVALIAR OS EFECTOS DA MAREA NEGRA DO ‘PRESTIGE’

Con motivo da presentación do primeiro seminario científico de carácter internacional que se desenvolverá para o estudio dos Efectos Económicos, Sociais e Ambientais da Marea Negra do "Prestige", os organizadores deste evento, o Consello da Cultura Galega e a Asociación de Economía dos Recursos Naturais e Ambientais (AERNA) convocan unha rolda de prensa que terá lugar o vindeiro luns, 17 de febreiro, ás 12,30h.
11/02/2003

A PLANIFICACIÓN LINGÜÍSTICA REQUIRE DIÁLOGO E CONSENSO, SEGUNDO AS CONCLUSIÓNS DO INFORME PRESENTADO ESTA MAÑÁ POLO CONSELLO DA CULTURA

A promoción do galego a través de políticas democráticas derivadas dun profundo diálogo político, social e institucional e a necesidade de promover planos de normalización da lingua que sexan claros nos seus obxectivos, cunha planificación detallada e que conteñan políticas de avaliación da eficiencia das súas accións foron as dúas primeiras conclusións que se extraeron do proxecto "O proceso de normalización do idioma galego: 1980-2000", promovido pola Sección de Lingua do Consello da Cultura Galega e do que esta mañá se presentou o primeiro volume, "Política lingüística: análise e perspectivas".
10/02/2003

O CONSELLO DA CULTURA GALEGA LEMBRA MAÑÁ A CARLOS CASARES NO PRMEIRO CABODANO NO SEU PASAMENTO

O Consello da Cultura Galega acollerá mañá, ás 12.30h. un acto de homenaxe ao que foi un dos seus presidentes máis queridos, Carlos Casares, falecido o pasado 9 de marzo. A homenaxe constará dun acto institucional e outro de carácter literario- musical, que se completará coa presentación do libro - CD "Carlos Casares: a semente aquecida da palabra".
10/02/2003

O CCG PRESENTA MAÑÁ OS PRIMEIROS RESULTADOS DUN INFORME DE POLÍTICA LINGÜÍSTICA E NORMALIZACIÓN

O Consello da Cultura Galega acollerá mañá, a partir das 12 h, a presentación do primeiro volume de "O proceso de normalización do idioma galego: 1980-2000", unha obra impulsada pola Sección de Lingua do CCG. Este acto, que contará coa presencia dos coordinadores do volume, Henrique Monteagudo e Xan Bouzada, supón facer público o primeiro froito dun traballo que ocupou á Sección de Lingua durante catro anos (1998-2002), tempo no que se elaborou un completo informe que se compón en total de catro volumes, o primeiro dos cales é o que se presenta mañá.
06/02/2003

UN FORO DE CIENTÍFICOS ANALIZA A PARTIR DE MAÑÁ NO CCG AS CONSECUENCIAS DA CATÁSTROFE DO "PRESTIGE"

O Consello da Cultura Galega acollerá mañá e pasado, 7 e 8 de marzo, o Seminario Científico Internacional "Efectos Económicos, Sociais e Ambientais da Marea Negra do 'Prestige'", un encontro de expertos que nace co obxectivo de ofrecer información obxectiva e coherente sobre as consecuencias do afundimento do petroleiro.
03/02/2003

A INTRODUCCIÓN DA TECNOLOXÍA DIXITAL NO FOTOXORNALISMO OCUPARÁ UNHAS XORNADAS ORGANIZADAS POLO CCG EN PONTEVEDRA

O Consello da Cultura Galega, co patrocinio da Deputación de Pontevedra, organizan os vindeiros días 27 e 28 deste mes unhas Xornadas Fotodixitais centradas en torno á introducción da tecnoloxía dixital na práctica fotográfica do xornalismo.
17/01/2003

O CATEDRÁTICO RAMÓN VILLARES PAZ, ELIXIDO MEMBRO DO PLENO DO CONSELLO DA CULTURA GALEGA

O Pleno do Consello da Cultura Galega (CCG) elixiu hoxe ó historiador e catedrático da Universidade de Santiago, Ramón Villares Paz, como novo membro en sustitución de Pilar Cagiao Vila, quen renunciou por razóns persoais. O novo conselleiro coordinará a Sección de Cultura Galega no Exterior e dirixirá o Arquivo da Emigración.
17/12/2002

O CULTO A SANTIAGO E OS SANTUARIOS DE FRANCIA, MALTA E MÉXICO CENTRARON A ÚLTIMA XORNADA DUN CURSO NO CCG

O culto a Santiago e a rede de santuarios en Francia abriu a última xornada do curso intensivo "Os Santuarios como Orixe da Peregrinación no Mundo Cristián" que se ven desenvolvendo desde onte na sede do Consello da Cultura Galega e que esta tarde rematará cunha visita guiada á Catedral de Santiago.
16/12/2002

OS SANTUARIOS COMO ORIXE DAS PEREGRINACIÓNS CENTRAN UN CURSO QUE SE DESENVOLVE NO CCG

Desde esta mañá, ás 10h., o Consello da Cultura Galega acolle un curso intensivo sobre "Os santuarios como Orixe da Peregrinación no Mundo Cristián", un curso que ocupará dúas xornadas, luns e martes, na sede do Consello da Cultura Galega co obxectivo de reunir a expertos e estudiosos sobre o fenómeno das peregrinacións de moi distintas procedencias (México, Finlandia, Polonia ou Portugal).
10/12/2002

O CCG PRESENTA A EDICIÓN COMPLETA EN GALEGO DE ‘LA GALICE’, A OBRA DE REFERENCIA DO XEÓGRAFO ABEL BOUHIER

O Consello da Cultura Galega acolle mañá, mércores 11 de decembro, ás 19h. a presentación do libro "Galicia. Ensaio xeográfico de análise e interpretación dun vello complexo agrario", a obra de referencia do xeógrafo francés Abel Bouhier "La Galice. Essai géographique d'analyse et d'interprétation d'un vieux complexe agraire" que agora o CCG presenta completa - dous tomos máis un, que recolle mapas e gráficos - e nunha traducción ó galego a cargo de Benxamín Casal.
04/12/2002

A MOSTRA GALICIA- AMÉRICA CHEGA A BETANZOS PARA AMOSAR OS VÍNCULOS ENTRE OS DOUS POBOS Ó LONGO DOS SÉCULOS

A exposición Galicia - América. Cinco séculos de historia, organizada polo Consello da Cultura Galega en 1992, segue a súa andaina. Agora no Concello de Betanzos que acollerá esta mostra na planta alta do seu Edificio do Liceo a partir de mañá, xoves, 5 de decembro, ás 20.30h nun acto que contará coa presencia do presidente do Consello da Cultura Galega, Alfonso Zulueta.
03/12/2002

COMUNICADO DO CONSELLO DA CULTURA GALEGA
PERANTE A CATÁSTROFE DO PRESTIGE

02/12/2002

O CCG INTERCAMBIARÁ EXPERIENCIAS E PROXECTOS CUNHA REPRESENTACIÓN DO CONSELL VALENCIÀ DE CULTURA

A Comisión Executiva do Consell Valencià de Cultura realizará unha visita oficial este martes e mércores ó Consello da Cultura Galega. A Comisión estará encabezada polo Presidente da institución, Santiago Grisolía.
25/11/2002

AS MEMORIAS DE RAMÓN PIÑEIRO, A DERRADEIRA OBRA DE CARLOS CASARES, PRESÉNTASE MAÑÁ NO CONSELLO DA CULTURA GALEGA

A autobiografía de Ramón Piñeiro ou, en palabras de Carlos Casares, o que se puido "salvar e compoñer" a partir de horas de conversas entre Casares e Piñeiro. Esto é "Da miña acordanza. Memorias de Ramón Piñeiro", o derradeiro traballo do que foi presidente do Consello da Cultura Galega e director de Galaxia, Carlos Casares, e que mañá se presenta oficialmente nun acto que terá lugar mañá, martes, 26 de novembro, ás 20h. na sede do Consello da Cultura Galega.
21/11/2002

O PERFIL E CONDICIÓNS LABORAIS DO XORNALISTA
EN INTERNET CENTRAN A NOVA PUBLICACIÓN DO CCG

Os avances tecnolóxicos dos últimos anos están a cambiar as formas de comunicación e facendo que xurdan novas canles que esixen dos xornalistas unha adaptación. O xornalismo en Internet, a súa situación laboral e as súas actitudes profesionais e, sobre todo, a definición das funcións do xornalista en Internet eran cuestións pendentes que o Consello da Cultura Galega, a través da súa Sección de Comunicación, decidiu abordar a través dun miúdo estudio que agora se presenta dentro da colección de Informes baixo o título "Xornalismo en Internet. Actitudes profesionais e condicións laborais dos periodistas en liña".
21/11/2002

UN INFORME DO CCG DESTACA AS PRECARIAS CONDICIÓNS NO TRABALLO DOS XORNALISTAS DE MEDIOS ELECTRÓNICOS

Home, menor de trinta anos, licenciado en Xornalismo, que traballa a xornada completa, cun salario de entre 600 e 900 euros ó mes e que fai horas extras que case nunca cobra. Este é o perfil do xornalista galego en Internet, segundo se desprende do Informe que baixo o título "Xornalismo en Internet. Actitudes profesionais e condicións laborais dos periodistas en liña" presentou esta mañá o coordinador da Sección de Comunicación do CCG, Xosé López.
13/11/2002

PONTEVEDRA ACOLLE UN ENCONTRO PARA ESTUDIA-LAS PREMISAS DUNHA LEI DE PROTOCOLO DE GALICIA

Os conflictos que xorden á hora de aplicar as regras do protocolo español e as das diferentes Comunidades Autónomas será un dos temas centrais que se abordarán ó longo das dúas xornadas das que se compón o I Encontro de Protocolo e Cerimonial en Galicia, que se desenvolverá na Facultade de Ciencias Sociais da Universidade de Vigo o xoves e o venres, 14 e 15 de novembro.
12/11/2002

O MUSEO DO POBO GALEGO ACOLLE A HISTORIA DOS SEGADORES GALEGOS EN CASTELA ATA FINAIS DE ANO

O Museo do Pobo Galego, en San Domigos de Bonaval (Santiago de Compostela), acollerá desde mañá, mércores 13 de novembro, e ata finais de ano a mostra "Galicia e a sega en Castela ó longo dos tempos". O acto de apertura oficial da exposición terá lugar no Museo do Pobo Galego ás 13h. e contará coa participación do presidente do Conselo da Cultura Galega, Alfonso Zulueta.
30/10/2002

EXPERTOS ASEGURAN QUE O XORNALISMO EN GALICIA E PORTUGAL PASA POLA CONCENTRACIÓN E A REESTRUCTURACIÓN DO SECTOR

Os especialistas que se deron hoxe cita na segunda e última xornada do I Congreso luso-galego de estudios xornalísticos que se desenvolve na sede do Consello da Cultura Galega, en Santiago, coincidiron en afirmar que a concentración e a reestructuración sons as tendencias comúns que se detectan no mundo dos medios de comunicación a un e outro lado do Miño.
29/10/2002

O I CONGRESO LUSO-GALEGO DE ESTUDIOS XORNALÍSTICOS ÁBRESE COA VONTADE DE "TENDER PONTES" ENTRE AS DÚAS COMUNIDADES

A creación dun marco que permitira facer un repaso dos encontros e desencontros da comunidade lusa e a galega ó longo da historia así como das tendencias actuais da investigación sobre o xornalismo centraron a sesión inaugural do I Congreso luso-galego de estudios xornalísticos. A investigación e o ensino do xornalismo no espacio luso-galego, que se desenvolven desde hoxe e ata mañá en sesións de mañá e tarde no Consello da Cultura Galega.
28/10/2002

XORNALISTAS GALEGOS E PORTUGUESES BUSCARÁN NUN CONGRESO VÍAS DE INVESTIGACIÓN E ENSINO COMÚNS

Máis dun cento de profesionais galegos e portugueses, catro universidades, seis mesas de debate, comunicacións, relatorios e só dous días para concentralo todo. É o I Congreso Luso-Galego de Estudios Xornalísticos que acolle a sede do Consello da Cultura Galega, en Santiago de Compostela, durante as xornadas do martes, 29 de outubro e o mércores, 30.
22/10/2002

O CD DE ESCULTORES GALEGOS DO S.XX SERÁ UNHA
FERRAMENTA ÚTIL PARA A INVESTIGACIÓN E A DOCENCIA

A xeración dunha sensibilidade da sociedade cara á arte a través da publicación de obras como o CD-ROM "Índice documental dos escultores galegos do século XX", que esta mañá se presentou xunto co último informe publicado pola Sección de Artes Plásticas, "Museos e Centros de Arte Contemporánea". Este é unha das premisas coas que traballa a Sección de Artes Plásticas, segundo puxo de manifesto o seu coordinador, Iago Seara na rolda de prensa que tivo lugar no Consello da Cultura Galega.
21/10/2002

UN CD-ROM PUBLICADO POLO CONSELLO RECOLLE DATOS
E BIBLIOGRAFÍA SOBRE 114 ESCULTORES GALEGOS DO S.XX

Encher o baleiro e a dispersión existente no campo da escultura galega no século XX a través do uso das novas tecnoloxías. Con este obxectivo nace o Índice documental de escultores galegos do século XX, unha publicación en formato de CD-Rom que mañá será presentado no Consello da Cultura Galega nun acto promovido pola Sección de Artes Plásticas, responsable da súa edición.
18/10/2002

O CICLO 'CINE E EMIGRACIÓN' DO CCG PROXECTARÁ
PELÍCULAS E DOCUMENTAIS INÉDITOS EN ESPAÑA

Baixo a premisa de dar a coñecer a visión que o cine ofreceu da emigración galega, o Consello da Cultura Galega, a través do Arquivo da Emigración Galega, en colaboración coa Consellería de Emigración, o CGAI e o Concello de Santiago, presentou esta mañá un ciclo de cine baixo o título "Cine e Emigración", que se desenvolverá en horario de tarde no Teatro Principal do 22 ó 25 de outubro.