noticias

Rexistros 1591 a 1616 de 1616
17/05/2001

O CONSELLO ESTREA NOVO SITIO CORPORATIVO

O Consello da Cultura Galega, nun esforzo de adaptación ás novas tecnoloxías, acaba de estrear un novo sitio web, www.consellodacultura.org, que sustitúe á anterior, que xa non respondía ás necesidades dunha institución en contínuo crecemento e expansión.
16/05/2001

SANTAMARINA: "UN DICCIONARIO É MÁIS CUN LIBRO, É UN SÍMBOLO NA HISTORIA DUN POBO"

O Consello da Cultura Galega comezou esta mañá os actos de celebración do Día das Letras Galegas, que este ano está dedicada ó escritor e xornalista ourensán Eladio Rodríguez. O director do Instituto de Lingua Galega, Antón Santamarina, foi o encargado de abrir o programa de actividades cunha conferencia titulada Eladio Rodríguez, lexicógrafo.
15/05/2001

O ESCRITOR ELADIO RODRÍGUEZ RECIBIRÁ UNHA HOMENAXE NO CONSELLO DA CULTURA GALEGA

A través dunha conferencia e da presentación da edición facsimilar do libro Folerpas e dun vídeo, que terán lugar o vindeiro mércores, 16 de maio, o Consello da Cultura Galega ten previsto unirse ós actos programados para homenaxear ó escritor e xornalista, Eladio Rodríguez, ó que este ano se lle dedica o Día das Letras Galegas.
11/05/2001

O ARQUITECTO FERNÁNDEZ-ALBALAT, NOVO MEMBRO DO CONSELLO DA CULTURA GALEGA

O arquitecto coruñés Andrés Fernández-Albalat Lois foi elixido esta tarde novo membro do Pleno do Consello da Cultura Galega, trala votación secreta á que foi sometida esta proposta na reunión que os conselleiros mantiveron na sede do Consello da Cultura Galega.
04/05/2001

PRESENTACIÓN DE DOUS LIBROS DE BANDA DESEÑADA PARA CONCIENCIAR ÓS NENOS DO COIDADO DO MEDIO

Dentro das actividades organizadas con motivo da celebración do Día Internacional do Medio Ambiente, o 5 de xuño, o Consello da Cultura Galega ten programada a presentación de dúas novas publicación durante un acto que terá lugar mañá martes, día 5 de xuño, ás 12,30h., no Salón de Actos do Consello da Cultura Galega, no Pazo de Raxoi.
17/04/2001

A EXPOSICIÓN "A NOITE ESTÁ VARRIDA DA TERRA" AMOSA OS AVANCES DA CIENCIA GALEGA NO XIX

A aventaxada posición científica da Universidade de Santiago e as conexións entre os científicos da Universidade de Santiago e os últimos desenvolvementos tecnolóxicos da Europa do século XIX foron destacados no transcurso da inauguración da exposición A noite está varrida da terra, organizada polo Consello da Cultura Galega co patrocinio de Unión Fenosa e a Universidade de Santiago de Compostela. No acto estiveron presentes Manuel Fraga, Presidente da Xunta de Galicia, Carlos Casares, Presidente do Consello da Cultura Galega, Xesús Pérez Varela, Conselleiro de Cultura, Comunicación Social e Turismo, Manuel Bermejo, coordinador da exposición.
16/04/2001

UNHA MOSTRA DO CONSELLO DA CULTURA GALEGA CONMEMORA A CHEGADA DA LUZ A ESPAÑA

Baixo o significativo nome de "A noite está varrida da terra", o Consello da Cultura Galega, a través da Sección de Ciencia, Tecnoloxía e Sociedade, organiza unha mostra, en colaboración con Unión Fenosa e a Universidade de Santiago, na que se conmemora o 150 aniversario do acendido do arco voltaico en Santiago, feito que acontecía por vez primeira en España, no patio da Facultade de Ciencias, no Colexio de Fonseca, no ano 1851.
16/04/2001

O CONSELLO DA CULTURA GALEGA ESTABLECE ACORDOS DE COLABORACIÓN CO CONSELL VALENCIÀ DE CULTURA

O Consello da Cultura Galega establecerá acordos de colaboración e intercambio co Consell Valencià de Cultura. O acordo foi refrendado polos presidentes das dúas institucións, Carlos Casares e Santiago Grisolía, no transcurso da visita oficial que a Comisión Executiva do Consello da Cultura Galega realizou a Valencia neste mes de abril.
04/04/2001

MARIO GARCÍA: "INTERNET NUNCA SUBSTITUIRÁ ÓS XORNAIS"

O consultor Mario García ofreceu unha conferencia sobre ó redeseño dos xornais impresos e electrónicos. Experto deseñador e dono da súa propia empresa en EE.UU, Mario García foi o encargado da renova-la imaxe de 450 publicacións en 35 países.
04/04/2001

MARIO GARCÍA: "OS XORNAIS DO FUTURO ESTARÁN MOI INFLUÍDOS POR INTERNET"

Mario García adiantou cales serán as tendencias do futuro no deseño gráfico dos xornais e das súas versións electrónicas na conferencia maxistral "Novas Tendencias Mundiais no deseño da prensa tradicional e electrónica" que Consello da Cultura Galega, nun seminario organizado pola Sección de Comunicación do Consello da Cultura Galega co patrocinio de Unión Fenosa.
03/04/2001

O DESEÑADOR MARIO GARCÍA IMPARTIRÁ UNHA CONFERENCIA NO CONSELLO DA CULTURA GALEGA

O Consello da Cultura Galega contará coa presencia do doutor Mario García, experto consultor no campo do redeseño de xornais impresos e electrónicos, que será o encargado de impartir un seminario e unha conferencia maxistral mañá mércores, día 4 de abril. O grupo empresarial Unión Fenosa participa na organización deste evento, que terá lugar na sede do Consello da Cultura Galega, no segundo andar do Pazo de Raxoi.
28/03/2001

O PEN CLUBE DE GALICIA FARÁ BALANCE DA II CELEBRACIÓN DA POESÍA EN SANTIAGO

Co obxectivo de facer un balance do que supuxo a II Celebración da Poesía en Santiago de Compostela, evento que tivo lugar entre os días 21 e 24 de marzo pasados, o PEN Clube de Galicia decidiu convocar unha rolda de prensa, que terá lugar o xoves, 29 de marzo, ás 17,00 h. no Salón de Actos do Consello da Cultura Galega, entidade que participou na celebración dos actos conmemorativos do World Poetry Day Celebration 2001.
25/03/2001

NACE O ANUARIO GALEGO DE ESTUDIOS TEATRAIS, NOVA PUBLICACIÓN SOBRE AS ARTES ESCÉNICAS

Estudios e investigacións de reputados especialistas das artes escénicas do ámbito nacional e internacional e cuantiosos artigos, notas e recensións conforman un volume de 250 páxinas que constitúe o primeiro número do Anuario Galego de Estudios Teatrais 2001, unha publicación que será presentada oficialmente mañá, martes 26 de marzo, ás 12 h. nun acto que acollerá o Consello da Cultura Galega.
22/03/2001

A RELACIÓN ENTRE A ARTE E A INDUSTRIA CLAUSUROU O "CURSO DE GUIÓN" DO CONSELLO DA CULTURA GALEGA

As relacións entre a arte e a industria clausuraron o "Curso de guión de ficción para televisión" que organizou a Sección de Comunicación do Consello da Cultura Galega. O debate tivo lugar no transcurso dunha mesa redonda na que participaron Antón Reixa, director da productora Portozás Visión, Pancho Casal, de Continental Producciones e Emilio Mc Gregor, director e realizador da teleserie Mareas Vivas, que emite a Televisión de Galicia e Antón Dobao. Os coordinadores do curso, Xosé Cermeño, guionista de Pratos Combinados e Xosé López, director da Sección de Comunicación foron os encargados de pechar a sesión.
22/03/2001

O CONSELLO DA CULTURA GALEGA ACOLLE UNHA MESA REDONDA SOBRE O AUDIOVISUAL EN GALICIA

O Consello da Cultura Galega organizará mañá, venres 23 de marzo, unha mesa redonda sobre o audiovisual galego, aberta ó público como acto final do Curso de Guión de Ficción coordinado pola Sección de Comunicación da institución. A mesa celebrarase ás 17:00 h. no Salón de Actos do Consello da Cultura Galega.
21/03/2001

O CONSELLO DA CULTURA GALEGA ACOLLE UN RECITAL A CARGO DE DOUS PREMIOS NOBEL

A II Celebración da Poesía, que desde hoxe acolle Santiago baixo a organización do PEN Clube de Galicia, ten prevista a celebración de diversos actos. O Consello da Cultura Galega, entidade que colabora co PEN, prestará o Salón de Actos da súa sede no Pazo de Raxoi para un destes eventos, o recital a cargo dos Nobel Derek Walcott e Wolé Soyinka, que terá lugar mañá, xoves 22, ás 20, 30 h., recital que será retransmitido en directo a través do sitio web corporativo do Consello da Cultura Galega.
19/03/2001

O CONSELLO DA CULTURA GALEGA ACOLLE A PRESENTACIÓN DO FESTIVAL "ALTERNATIVA 2001"

O Consello da Cultura Galega acolleu hoxe á mañá a presentación do Festival "Alternativa 2001", unha iniciativa promovida polas Salas NASA e Galán de Santiago de Compostela co fin de "responder á necesidade de que Santiago conte cun festival de relevancia durante a tempada", en palabras dos organizadores. O acto de presentación estivo presidido por Ramón Castromil, vicepresidente do Consello da Cultura Galega, e contou coa presencia de Aníbal Otero, xerente do IGAEM, Xesús Ron, da Sala NASA, Ana Vallés, da Sala Galán, Andrés Corchero, bailarín, Antón Lopo, escritor e xornalista, e Manuel Arca, director de comarca de Caixanova.
16/03/2001

O CONGRESO DEDICADO A BOUHIER REMATA COA PRESENTACIÓN DE LA GALICE TRADUCIDA Ó GALEGO

O Congreso Internacional "Galicia dende La Galice. Homenaxe a Abel Bohuier" abordou na súa xornada de clausura as transformacións ás que se enfronta a xeografía agraria e demográfica da Galicia dos últimos anos.
15/03/2001

O CONGRESO INTERNACIONAL DE BOUHIER ABORDA O DIFÍCIL FUTURO DA AGRICULTURA EN GALICIA

Presente, pasado e futuro da agricultura galega. Este foi o denominador común da segunda xornada do Congreso Internacional "Galicia dende La Galice. Homenaxe a Abel Bouhier", que se celebra na sede do Consello da Cultura Galega desde onte e ata o mañá, venres 16.
15/03/2001

OS EDITORES DE GALEUSCA DEBATEN FÓRMULAS PARA COMPETIR NA GLOBALIZACIÓN

As editoriais en linguas minorizadas deben formular estratexias rápidas para poder contrarrestar os efectos dun mercado globalizado. Así o sinalaron os editores reunidos nas xornadas de Galeusca 2001 de Editores, no Consello da Cultura Galega. As xornadas de traballo reunen a representantes e directivos de editoriais en lingua galega, catalana e basca e rematarán mañá venres e están organizadas este ano pola Asociación Galega de Editores en colaboración con diversas institucións autonómicas.
15/03/2001

EDITORES DE GALEUSCA RESALTAN A FEBLEZA DAS IDENTIDADES FRONTE A GLOBALIZACIÓN

Os editores en linguas minorizadas reclaman unha maior defensa das identidades e linguas propias no proceso actual da globalización cultural. Así o manifestaron os editores reunidos nas xornadas de traballo Galeusca 2001 de Editores, reunidos no Consello da Cultura Galega.
14/03/2001

OS EXPERTOS DESTACAN QUE LA GALICE DE BOUHIER SEGUE A SER OBRA DE REFERENCIA

O medio natural no que se enmarca a obra de referencia de Abel Bouhier e o método de traballo que empregou para o estudio dos asentamentos da poboación e os cultivos, foron os eixos fundamentales en torno ós que xiraron as conferencias que distintos especialistas ofreceron esta tarde no marco do Congreso Internacional Galicia dende La Galice. Homenaxe a Abel Bouhier, que se desenvolve ata o vindeiro venres no Salón de Actos do Consello da Cultura Galega.
14/03/2001

O CONSELLO DA CULTURA GALEGA DA A COÑECER A OBRA DE ABEL BOUHIER SOBRE O RURAL GALEGO

Con motivo da presentación do Congreso Internacional "Galicia dende La Galice. Homenaxe a Abel Bouhier", que tivo lugar esta mañá no Salón de Actos do Consello da Cultura Galega, o presidente da institución, Carlos Casares, manifestou que era "de xustiza" a publicación desta obra de referencia do xeógrafo francés, un proxecto que estivo en mente do primeiro presidente do Consello da Cultura Galega, Ramón Piñeiro. Segundo Casares, motivacións económicas impediron a edición deste libro antes pero, "gracias á colaboración da Consellería de Cultura e o Departamento de Xeografía da Universidade de Santiago", se publicou unha edición cuasi facsimilar de La Galice. Essai géographique d’analyse et d’interprétation d’un vieux complexe agraire.
14/03/2001

EDITORES DE GALEUSCA DEBATEN EN SANTIAGO O FUTURO DO LIBRO

Baixo o nome de Galeusca de Editores 2001, a Asociación Galega de Editores (AGE) reunirá durante tres días a impotantes persoeiros do mundo do libro en Galicia, entre os que se atopa o presidente do Consello da Cultura Galega, Carlos Casares, que acude como director da Editorial Galaxia.
07/02/2001

A MEMORIA E A GALICIA DO PADRE SARMIENTO, RECOLLIDA EN IMAXES NUNHA MOSTRA DO CCG

O Consello da Cultura Galega comeza mañá o programa de actos en homenaxe ó Padre Sarmiento, ó que este ano se lle dedica o Día das Letras Galegas. Con tal motivo, o CCG ten previsto inaugurar unha exposición sobre a vida e obra do ilustre padre benedictino baixo o título de O Padre Sarmiento e a Galicia do seu tempo, nome baixo o que se recollen dúas exposicións que foron elaboradas en 1995 con motivo da celebración do terceiro centenario do nacemento do pai Sarmiento (Villafranca del Bierzo, 1695).
25/01/2001

MANUEL DIOS: "EN 10 ANOS A REFORMA EDUCATIVA NON PUIDO IMPLANTAR O ENSINO DE TEMAS COMO A PAZ OU A MULLER"

Os 17 anos de traballo do Seminario Galego de Educación para a Paz (SGEP) para formar e ensinar a formar ós docentes na cultura de paz foi o eixo central en torno ó que xirou a mañá desta segunda xornada do I Encontro Internacional sobre Cultura de Paz, que se desenvolve ata o sábado no Consello da Cultura Galega. Conceptos como o da paz, o conflicto ou a metodoloxía e os recursos didácticos que os educadres do SGEP aplican centraron as intervencións de Manuel Dios e Calo Iglesias, os dous pertencentes ó SGEP, relatorio que levou o título de Educar para a Paz nas aulas: Recursos e dinámicas.
24/01/2001

A SOLUCIÓN DOS CONFLICTOS PARA CONSTRUIR UN ‘MUNDO NOVO’ CENTRAN O PRIMEIRO DÍA DO ENCONTRO SOBRE A PAZ

"Que ninguén que saiba falar siga calado". Con estas palabras, o presidente da Fundación Cultura de Paz e ex director xeral da UNESCO, Federico Mayor Zaragoza, puxo fin a súa intervención no I Encontro Internacional sobre Cultura de Paz, relatorio co que arrancaba este encontro organizado polo Consello da Cultura Galega en colaboración co Seminario Galego de Educación para a Paz e que reunirá ata o sábado a reputados expertos da cultura de paz.
23/01/2001

MAYOR ZARAGOZA ABRE O I ENCONTRO INTERNACIONAL SOBRE CULTURA DE PAZ QUE ACOLLE O CCG

A paz, os dereitos humanos, a tolerancia ou a comprensión internacional son algúns dos valores que tradicionalmente promove a cultura de paz, un concepto acuñado pola Comisión de Premios Nobel da Paz no seu Manifesto 2000 por proposta da UNESCO e baixo o que se entende un compromiso cos valores da paz entendida como rexeitamento do recurso á violencia en todas a súas formas, a loita pacífica e a educación nos valores democráticos.
12/09/1991

Encontro de Escritores Galegos e Portugueses

Organizado por Pilar Vázquez Costa, participaron preto de cincuenta posteas e ambas beiras do Miño.