PRENSA

noticia

Rexistros 1681 a 1704 de 1704
  1. Inicio
  2. Prensa
21/03/2014

O CCG reinvindica ao Díaz Castro tradutor

O Consello da Cultura Galega presentou está mañá o Cartafol de traducións e outros poemas, a edición conmemorativa que realiza o CCG sobre a obra do autor homenaxeado no Día das Letras Galegas. Baixo o coidado e edición do crítico Armando Requeixo, o Cartafol “integra as dúas grandes paixóns da vida de Díaz Castro, a tradución e a poesía”.

Descargue a obra
19/03/2014

As bibliotecas galegas sufren unha gran caída de investimento malia a maior demanda social

O Observatorio da Cultura Galega publicou hoxe o seu informe “As bibliotecas galegas”, no que detalla a situación deste tipo de centros en Galicia. Entre as conclusión do informe está a forte caída de investimento público en Galicia, pasando de 5,5 millóns de euros en 2008 aos 1, 3 millón de euros en 2013. Sen embargo, o número de usuarios incrementouse en máis de 300.000 persoas desde o 2002.
Galicia ten máis dun millón de usuarios de bibliotecas (1.029.856), nunha serie que foi en ascenso continuo desde 2002. Nos últimos dez anos aumentou un 57,9% o público adulto e un 15,9% os usuarios infantís, estando nestes momentos a proporción ubicada nun 85,8% de adultos e un 15,9% de usuarios infantís.


Consulte o informe
18/03/2014

O CCG compila tres obras de Xosé Neira Vilas no volume “Galicia en Cuba”

O Consello da Cultura Galega (CCG) presentou esta mañá a publicación “Galicia en Cuba. Lingua. Rosalía. Loitas”. “É unha obra orixinal que recolle tres obras anteriores de Xosé Neira Vilas pero que constitúe nunha nova publicación revisada e actualizada” asegurou Ramón Villares, presidente do Consello da Cultura Galega na rolda de prensa. Canda el participaron Valentín García, secretario xeral de Política Lingüística, o cónsul xeral da República de Cuba, José Antonio Solana, e o autor, Xosé Neira Vilas.
17/03/2014

O CCG presenta “Galicia en Cuba”, un volume que compila tres obras de Neira Vilas

O Consello da Cultura Galega (CCG) presenta o martes 18 en rolda de prensa (12:30 horas) o volume “Galicia en Cuba. Lingua. Rosalía. Loitas”, que compila tres obras de Xosé Neira Vilas (Gres, Vila de Cruces, 1928). O acto contará coa presenza do presidente do CCG, Ramón Villares, o secretario xeral de Política Lingüística, Valentín García, o cónsul xeral da República de Cuba, Xosé Antonio Solana, e o autor, Xosé Neira Vilas.
12/03/2014

Xa podes ver o video da xornada "A mediación cultural de Internet"



Consulte o programa
28/02/2014

O CCG inaugura en Tui a exposición: “Rosendo Salvado: valedor do pobo aborixe”

O Consello da Cultura Galega inaugurará en Tui o sábado 1 de marzo a exposición “Rosendo Salvado: valedor do pobo aborixe”. Será ás 20.00 h. no Teatro da Área Panorámica de Tui, e participarán Rosario Álvarez, vicepresidenta do CCG, Francisco Díaz-Fierros, vicepresidente do CCG e comisario da exposición, o alcalde de Tui, Moisés Rodríguez, e o bispo de Tui-Vigo, Luis Quinteiro Fiuza.



Descargue de balde o catálogo da exposición
27/02/2014

Vexa en diferido as conferencias de Ramón Máiz e Javier Pérez Royo



Máis información
26/02/2014

O CCG analiza a evolución do gasto cultural dos fogares galegos

Galicia ocupa o sexto lugar pola cola no Estado español no gasto medio por fogar en bens e servizos culturais, nun contexto de acusada disminución tanto en Galicia coma no Estado. Deste xeito, entre 2006 e 2012 as familias reduciron o seu gasto cultural nun 15.9% ata os 646 € ao ano, fronte a comunidades como Madrid, cun gastou moito máis elevado: 966.7 €. Así o revela o informe “Evolución do gasto cultural dos fogares galegos”, feito público polo Obervatorio da Cultura Galega.

Poden descargar o informe na Mediateca.

25/02/2014

Vexa en diferido a conferencia: "A consulta sobre o futuro político de Catalunya e o chamado "Dereito a decidir", a cargo de Carles Viver Pi-Sunyer

24/02/2014

O CCG edita en dixital a correspondencia de Rosalía de Castro

O Consello da Cultura galega presentou esta mañá en rolda de prensa o Epistolario dixital de Rosalía de Castro, unha colección de dezaseis cartas enviadas pola poeta e que suponen a primeira edición conxunta destes textos. Na rolda de prensa estiveron presentes Ramón Villares, Presidente do Consello da Cultura Galega, Rosario Álvarez Blanco, vicepresidenta do CCG e María do Cebreiro Rábade, unha das editoras da correspondencia.

Consulta o Epistolario dixital de Rosalía de Castro
20/02/2014

“A independencia de Escocia”
de Michael Keating para o ciclo "Desafíos políticos en Europa en 2014".

19/02/2014

Michael Keating falará este xoves sobre “A independencia de Escocia” no CCG

O profesor Michael Keating, un dos académicos escoceses máis reputados, falará o xoves 20 de febreiro ás 17 h. no Consello da Cultura Galega sobre un tema de gran actualidade: “A independencia de Escocia”. Farao dentro do ciclo “Desafíos políticos En Europa 2014”, coordinado por Antón Baamonde. Keating é profesor da Universidade de Aberdeen e é o director do Scottish Centre for Constitutional Change, un consorcio de equipos de cinco institucións que examinan os aspectos emerxentes do cambio constitucional escocés.
05/02/2014

Escritores e investigadores debaten no CCG sobre trinta anos de novela negra en Galicia

Escritores como Domingo Villar, Manuel Forcadela, Bieito Iglesias, Diego Ameixeiras ou Miguel Anxo Fernández participarán mañá, xoves 6 de febreiro, nunha xornada de debate e análise sobre os 30 anos de novela negra en Galicia. A xornada conmemora o nacemento do xénero en lingua galega coa publicación de Crime en Compostela, de Carlos G. Reigosa, hai tres décadas. A inauguración está prevista para as 09.45 h. deste xoves 6 de febreiro.


Consulte o programa
04/02/2014

O CCG propón un pacto polas artes escénicas que involucre a sector e institucións

O CCG fixo público o informe “As artes escénicas en Galicia: situación e perspectivas”, elaborado por unha comisión designada pola sección de Música e Artes Escénicas do CCG. No informe realízase unha análise da situación do sector das artes escénicas nos seus diferentes ámbitos e fanse unha serie de propostas de política cultural para os vindeiros anos.


Descargue o informe
03/02/2014

O CCG analiza os desafíos políticos en Europa en 2014

Destacados expertos galegos e foráneos reuniranse en febreiro no CCG para analizar os grandes desafíos políticos de Europa en 2014, e en especial os procesos de independencia en Escocia e Cataluña. “Móvense os marcos e cómpre atender aos seus efectos”, asegura a sección de Pensamento e Sociedade do CCG na presentación do ciclo de conferencias. Entre os ponentes figuran destacados expertos implicados neses procesos políticos como Michael Keating, catedrático de Políticas en Aberdeen (Escocia) e director de ESRC Scottish Centre on Constitutional Change e Carles Viver Pi-Sunyer, catedrático de Dereito Constitucional na Universidade Pompeu Fabra e presidente do Consello Assessor per a la Transició Nacional desde 2013.


INSCRÍBETE NO CICLO "Desafíos políticos en Europa en 2014" AQUÍ
30/01/2014

Villares reinvidica ao Seoane que "conectou as dúas Galicias" na presentación do seu Epistolario dixital

O Consello da Cultura Galega presentou esta tarde na Fundación Luís Seoane o Epistolario dixital de Luís Seoane, un ambicioso proxecto en Internet que permite explorar as relacións humanas e a vida dun artista "que conectou as dúas Galicias, a americana e a europea", en palabras de Ramón Villares. Na presentación participaron o presidente do CCG, Carlos Negreira, alcalde da Coruña, Xosé Díaz, Secretario da Fundación Seoane e a documentalista Emilia García.


Explora o Epistolario de Luís Seoane
28/01/2014

Xa pode ver o documental "A luz do negro. O volframio da Brea e o poboado do Fontao"

Documental construído a partir do rexistro documental realizado para o Arquivo Sonoro de Galicia das vivencias das mulleres e homes que traballaron na mina da Brea (Vila de Cruces).
21/01/2014

O CCG reivindica a figura e o papel histórico de Xelmírez coa súa nova publicación

Está mañá o Consello da Cultura Galega presentou a ampla obra O século de Xelmírez. Trátase dun amplo estudo que analiza o século XII, definido por Ramón Villares como "fundamental para a Historia de Galicia", a través dos tres eixos nos que o arcebispo Xelmírez deixou unha notable influencia: a historia, a arte e a cultura, e no que colaboran os principais especialistas galegos e destacados expertos internacionais.

Descargue O século de Xelmírez na nosa Mediateca
15/01/2014

A cultura trouxo case un millón de turistas a Galicia en 2012

O Observatorio da Cultura Galega publica hoxe un informe sobre o turismo cultural en Galicia no que revela que o número de turistas que viñeron a Galicia atraídos a Galicia pola súa cultura foron 953.000 en 2012, dos que 491.500 viñeron doutras partes do Estado e 467.800 do estranxeiro. A cultura atraeu ao 52% do total de turistas estranxeiros, en contraposición co turismo interior español, do que só un 12% declarou vir a Galicia por motivos culturais.

Descarga aquí o informe
14/01/2014

Expertos en lingüística destacan a solidez da lingua galega e da súa norma no contacto coas linguas próximas

O CCG acolleu a presentación do libro "Contacto de linguas, hibrididade, cambio: contextos, procesos e consecuencias", coeditado co Instituto da Lingua Galega. O volume aborda a relación do galego coas outras linguas do seu contorno. Na presentación estiveron presentes Ramón Villares, presidente do Consello da Cultura Galega, Ernesto González Seoane, director do Instituto da Lingua Galega e dous dos editores do libro: Henrique Monteagudo e Gabriel Rei Doval.

Pode descargar o libro aquí.
10/01/2014

O Arquivo da Emigración Galega do Consello da Cultura Galega dixitaliza a relación de Francisco Fernández Del Riego con América

Baixo o título "Francisco Fernández del Riego. Correspondente para América", o Arquivo da Emigración Galega realizou o traballo de baleirado e dixitalización de fondos propios, contando tamén co aporte dos audios do Arquivo Sonoro de Galicia. O CCG acaba de publicar un repositorio especial que recolle a traxectoria e impacto cultural de Francisco Fernández del Riego en América. O especial, realizado co gallo do centenario do nacemento do polígrafo vigués, permite explorar case trescentos artigos que Fernández del Riego publicou en máis de vinte publicacións promovidas por sociedades de emigrantes en América.

O especial pode consultarse en www.consellodacultura.org/prensa/
09/01/2014

O CCG dixitaliza a relación de Francisco Fernández Del Riego con América

Baixo o título "Francisco Fernández del Riego. Correspondente para América", e empregando fondos do Arquivo da Emigración Galega e do Arquivo Sonoro de Galicia, o CCG publicou hoxe á maña un contedor especial que recolle a traxectoria e impacto cultural de Francisco Fernández del Riego en América. O especial, realizado polo departamento de Internet da propia institución, elaborouse co gallo do centenario do nacemento do polígrafo vigués, permite explorar case trescentos artigos que Fernández del Riego publicou en máis de vinte publicacións promovidas por sociedades de emigrantes en América.

O especial pode consultarse en www.consellodacultura.org/prensa/
30/12/2013

O Plenario do CCG aproba o orzamento e o plan de actividades para 2014

Onte o CCG celebrou o último plenario do ano e fíxoo aprobando o orzamento asignado para a institución e o plan de actividades para o 2014. Serán máis de 30 eventos públicos canda o tradicional traballo da institución en informes, estudos, publicacións e proxectos de divulgación en Internet.
26/12/2013

O CCG destaca a figura de Rosalía de Castro como un símbolo vixente para a cultura galega e a súa proxección exterior

O Consello da Cultura Galega presentou esta mañá o balance do ano Rosalía de Castro, que foi definido como moi "frutífero" e "positivo", e que permitiu comprobar a vixencia da figura de Rosalía de Castro no presente dentro da cultura de Galicia e a súa proxección internacional, segundo sinalou Ramón Villares, Presidente do Consello da Cultura Galega.
27/11/2013

O Observatorio da Cultura Galega constata o retroceso da edición en galego

Menos títulos, con tiraxes máis reducidas e cun prezo máis alto. Así é o panorama da edición en Galicia e en galego durante os últimos anos, se ben as editoras conseguen manter a facturación no medio da crise. Son datos do último informe do Observatorio da Cultura Galega sobre o sector do libro e xa dispoñibles en Internet.

Pode descargar o informe aquí e ampliar información no interior da noticia.
27/11/2013

Inauguración da Exposición Luces de Alén Mar. As escolas de americanos en Galicia, na parroquia de San Martiño de Lanzós, Vilalba

No marco das actividades que se desenvolverán durante a celebración do Centenario da Sociedade Progreso de Lanzós da Habana, que terá lugar no edificio da antiga Casa-escola de Lanzós (Concello de Vilalba), o vindeiro sábado 30 de novembro de 2013.
20/11/2013

O CCG explica a diáspora galega a expertos internacionais en Suecia

O CCG participou en outubro na xuntanza anual da Association of European Migration institutions (AEMI), que tivo lugar no Swedish American Center, na cidade sueca de Karlstad. A edición deste ano, centrada sobre temas como a identidade de segunda e terceira xeración, a relación entre grupos étnicos transnacionais e a autoimaxe nacional, acolleu a seguinte presentación do CCG: "Ethnicity and diásporas. Galician inmigrants of second and third generation in Europe today", presentando o panorama das segundas e terceiras xeracións de emigrantes galegos en Europa. O CCG estuda a posibilidade de que no 2015 esta xuntanza anual se celebre en Santiago de Compostela.
14/11/2013

Villares reúnese con Nélida Piñón para reflexionar sobre a difusión da cultura galega no Brasil

Ramón Villares, presidente do CCG, reuniuse onte coa galardoada escritora Nélida Piñón co obxectivo de intercambiar puntos de vista sobre a difusión da lingua e da cultura galegas no Brasil. Na fotografía, Piñón asina o libro de honra do Consello da Cultura Galega.
13/11/2013

O 60% dos arquivos de Galicia son privados, segundo o Observatorio da Cultura Galega

En Galicia existen 4.267 arquivos documentais. Case o 60% deles son privados e, dentro da titularidade privada, 2.464 son xestionados pola Igrexa, un 57.7% do total. A Administración autonómica e o Poder Xudicial son as entidades públicas titulares de máis arquivos. Así o revela o novo informe do Observatorio da Cultura Galega, que informa sobre a situación actual destes centros.
12/11/2013

O CCG lamenta a morte de Gonzalo Rey Lama

O Consello da Cultura Galega quere expresar o seu pesar pola morte de D. Gonzalo Rey Lama, que foi membro do Plenario da institución en representación da Fundación Rosalía de Castro desde o ano 1997 ata o 2005. Rey Lama, como propietario da empresa NEOR, S.A., significouse como un dos grandes especialistas na rehabilitación do patrimonio cultural galego. Gonzalo Rey Lama finou esta noite.