Para coñecer a historia do noso país e a nosa realidade é clave difundir e pór en valor os procesos migratorios do noso pobo. O AEG é un centro de documentación, investigación e difusión referencial para promover estudos e investigacións de carácter científico que axuden a un mellor coñecemento dos distintos aspectos relacionados co fenómeno da nosa emigración. Para iso leva a cabo diferentes actividades, como a organización de encontros, xornadas, congresos, exposicións etc. e a publicación de estudos científicos, biografías de persoeiros sobranceiros e obras literarias de escritores e escritoras relacionadas coa emigración e o exilio galego.
A través da sinatura de convenios, o AEG colabora con varias institucións e organizacións tanto do resto de España como doutros países, co mesmo interese de difundir o patrimonio derivado do fenómeno migratorio e a repercusión deste nas súas comunidades.
Obxectivos específicos:
- Recuperar os fondos arquivísticos, gráficos e documentais, conservados nas sociedades de emigrantes, nos arquivos particulares dos protagonistas do proceso migratorio ou en institucións e organismos, para a súa salvagarda e difusión na sociedade galega.
- Crear unha biblioteca especializada en movementos migratorios de carácter rexional, nacional e internacional que estará a disposición dos investigadores e persoas interesadas.
- Difundir os resultados de estudos realizados sobre o fenómeno migratorio a través da publicación de obras de interese científico e divulgativo. A edición da revista Estudos Migratorios (1995-2011) foi unha canle importante para a publicación de numerosos artigos sobre a emigración dos galegos e galegas; xa rematada a súa edición, hoxe pode consultarse na Mediateca do CCG, así como todas as publicacións promovidas dende o AEG.
- Organizar actividades como exposicións, congresos ou xornadas, co fin de crear un espazo de diálogo produtivo coa asistencia de investigadores e persoas interesadas polo fenómeno migratorio dende unha perspectiva interdisciplinar.
- Establecer unha relación fluída de intercambio con centros de documentación e investigación, tanto no ámbito nacional como internacional.
- Proporcionar información a outras institucións sobre a emigración galega.
A través da sinatura de convenios, o AEG colabora con varias institucións e organizacións tanto do resto de España como doutros países, co mesmo interese de difundir o patrimonio derivado do fenómeno migratorio e a repercusión deste nas súas comunidades.
Obxectivos específicos:
- Recuperar os fondos arquivísticos, gráficos e documentais, conservados nas sociedades de emigrantes, nos arquivos particulares dos protagonistas do proceso migratorio ou en institucións e organismos, para a súa salvagarda e difusión na sociedade galega.
- Crear unha biblioteca especializada en movementos migratorios de carácter rexional, nacional e internacional que estará a disposición dos investigadores e persoas interesadas.
- Difundir os resultados de estudos realizados sobre o fenómeno migratorio a través da publicación de obras de interese científico e divulgativo. A edición da revista Estudos Migratorios (1995-2011) foi unha canle importante para a publicación de numerosos artigos sobre a emigración dos galegos e galegas; xa rematada a súa edición, hoxe pode consultarse na Mediateca do CCG, así como todas as publicacións promovidas dende o AEG.
- Organizar actividades como exposicións, congresos ou xornadas, co fin de crear un espazo de diálogo produtivo coa asistencia de investigadores e persoas interesadas polo fenómeno migratorio dende unha perspectiva interdisciplinar.
- Establecer unha relación fluída de intercambio con centros de documentación e investigación, tanto no ámbito nacional como internacional.
- Proporcionar información a outras institucións sobre a emigración galega.
