Xosé Manuel Baamonde Silva

----

Xosé Manuel Baamonde Silva


NOTA: Nesta páxina lístanse as referencias a unha persoa en diferentes proxectos, eventos ou publicacións do Consello da Cultura Galega. Trátase dun proxecto de etiquetado en continuo crecemento e ampliación, e que non está concluído. En ningún caso, a páxina pretende ser unha biografía da persoa mencionada nin incorporará materiais externos ao CCG ao respecto.

Biografía de Xosé Manuel Baamonde Silva


Doutor en Ciencias da Información pola Universidade de Santiago de Compostela (2007). Autor de varios libros, como A comunicación no Sector Feiral. Estratexias de organizadores, expositores e visitantes ou A xestión dun evento único. Crónica do Centenario. Ten publicados artigos en revistas e participado en congresos do sector de comunicación e as relacións públicas. A súa traxectoria profesional estivo ligada á xestión da comunicación no ámbito empresarial e institucional. Foi director de Comunicación da Feira Internacional de Galicia (1994-2004) e xefe de gabinete do Concello de Ribeira (2005-2007).
Desde 2008, dedícase á docencia na Facultade de Ciencias Sociais e Comunicación da Universidade de Vigo. Actualmente é profesor contratado doutor no Departamento de Comunicación Audiovisual e Publicidade. As súas áreas de especialización son as relacións públicas, a comunicación solidaria e a organización de eventos.

Publicacións nas que participou Xosé Manuel Baamonde Silva