José Antonio García Caridad

----

José Antonio García Caridad

1926 A Coruña
NOTA: Nesta páxina lístanse as referencias a unha persoa en diferentes proxectos, eventos ou publicacións do Consello da Cultura Galega. Trátase dun proxecto de etiquetado en continuo crecemento e ampliación, e que non está concluído. En ningún caso, a páxina pretende ser unha biografía da persoa mencionada nin incorporará materiais externos ao CCG ao respecto.

Biografía de José Antonio García Caridad

1926- A Coruña
Ingresou na carreira xudicial en 1953, onde ocupou diversos destinos ata ser nomeado vogal do Consello Xeral de Poder Xudicial, cargo que desempeñou ata a súa xubilación. É un experto en Dereito Galego e participou activamente na elaboración do Proxecto de lei de montes veciñais en man común, convertido en lei en 1968, polo que se lle concedeu o Título de Comendador da Orde do Mérito Agrícola.

É membro de numerosas entidades como o Instituto Español de Derecho Foral, o Seminario de Estudos Galegos ou diferentes academias de xurisprudencia e lexislación. Formou parte de varias comisións para o estudo do Dereito Galego. Foi presidente da Asociación Galega de Arbitraxe, da Academia Galega de Xurisprudencia e Lexislación e do Consello Consultivo de Galicia (1996-2008).
Foi recoñecido coa Medalla Castelao da Xunta de Galicia, coa placa da Orde de Alfonso X O Sabio e coa Gran Cruz da Orde de San Raimundo de Peñafort.

Publicacións nas que participou José Antonio García Caridad

Portada de O Padre Sarmiento e o seu tempo
LIBRO. ACTAS

O Padre Sarmiento e o seu tempo

Actas do Congreso Internacional do Tricentenario de Fr. Martín Sarmiento (1695-1995)
Portada de  Escolma de escritos
LIBRO

Escolma de escritos

Concepción Arenal

José Antonio García Caridad nas actividades do CCG