María López Sández

----

María López Sández

Biografía de María López Sández


Licenciada en Filoloxía Hispánica, Inglesa e Galego-Portuguesa pola Universidade de Santiago de Compostela. Premio Fin de Carreira da Comunidade Autónoma de Galicia e II Premio Nacional de Terminación de Estudos Universitarios de Filoloxía. Doutora en Teoría da Literatura e Literatura Comparada pola Universidade de Santiago de Compostela coa tese A descrición topográfica, o seu papel na construción dun imaxinario cultural no discurso literario galego (Cantares gallegos, Arredor de si e o ciclo textual de Tagen Ata).
Recibiu o Premio Ramón Piñeiro de Ensaio en 2007 pola obra Paisaxe e nación: a creación discursiva do territorio, publicada en 2008 pola editorial Galaxia e colaborou en diversos proxectos de investigación sobre a obra de Rosalía de Castro e as Humanidades Dixitais.
É profesora de Ensino Secundario desde 1997 e desde 2010 profesora
asociada da Área de Didáctica da Lingua e a Literatura na Facultade de Ciencias da Educación da Universidade de Santiago de Compostela, na que imparte docencia de Didáctica da Lingua e a Literatura para a Educación Secundaria no Máster de Profesorado.
Irrompeu na narrativa con A forma das nubes, Premio Repsol de Narrativa Breve no ano 2012 e publicou posteriormente O faro escuro, finalista do Premio de Novela por entregas de La Voz 2014 e A noite da Deusa, finalista do premio Raíña Lupa 2019. Recentemente vén de publicar Illados. Diario da pandemia, en colaboración co fotoxornalista Miguel Muñiz.

Publicacións nas que participou María López Sández