Biografía de David Espinosa Espinosa
Doutor en Historia pola Universidade Complutense de Madrid (2013), desenvolve a súa actividade como investigador posdoutoral da Xunta de Galicia na Universidade de Santiago de Compostela (2014-2019). É especialista en Historia Antiga de Roma, concretamente en tres ámbitos: os procesos de colonización e municipalización romanos, a epigrafía romana e os aspectos relixiosos da orientación das cidades romanas de Occidente. Desenvolve a súa actividade investigadora nos grupos de investigación “Síncrisis. Investigación en Formas Culturais” (USC), “Red digital para un milenio de documentación epigráfica en Museos y Archivos de la Comunidad de Madrid” (UCM) e “Ciudades Romanas” (UCM), así como nos proxectos de investigación “Epigraphica 3.0: Cara á creación e deseño dun corpus dixital de inscricións romanas da provincia de Ourense” (USC), “Nuevas bases documentales para el estudio histórico de la Hispania romana de época republicana: onomástica y latinidad (III-I a.C.)” (UCM) e “De municipia Latina a oppida labentia: sobre la sostenibilidad económica e institucional del expediente municipal latino en Hispania (I-III d.C.)” (UNAV). Realizou cinco estadías de investigación en centros internacionais, como o Instituto Arqueolóxico Alemán en Berlín, a Universidade de Trieste, a Universidade de Trier e a Universidade de Hamburgo. É autor de numerosas publicacións científicas en editoriais e revistas especializadas, nacionais e internacionais, como BAR International Series, Antiquity, Classical Quarterly, Digital Applications in Archaeology and Cultural Heritage, Mediterranean Archaeology and Archaeometry, Numen e Klio.