Mariám Mariño Costales

----

Mariám Mariño Costales

1965 Vigo

Biografía de Mariám Mariño Costales

1965- Vigo

É licenciada en Filosofía con grao pola Universidade de Santiago de Compostela (1993), entidade na que obtén a Suficiencia Investigadora en temas de Antropoloxía Aplicada (1994-1996) e o mestrado en Educación, Xénero e Igualdade (2005-2007). Como investigadora no ámbito da antropoloxía feminista, os seus temas de traballo son: exclusión e discriminación social, sexualidade, espazo, sexo/xénero, feminismos, redes sociais e construción de identidades. Ten publicados artigos sobre a relación mulleres e museos, a presenza de mulleres nos rueiros urbanos, organizacións de lesbianas e tamén sobre o movemento feminista organizado en Galicia.  Desde febreiro de 2005 até a actualidade desenvolve traballos de asesoramento, asistencia técnica, investigación e documentación para as liñas de Igualdade do Consello da Cultura Galega. Entre as tarefas realizadas neste contexto salientan a coordinación técnica do Álbum de mulleres, a realización de tarefas de coordinación e edición de A Saia. Publicacións periódicas feministas, de coordinación das xornadas Xénero e Documentación I, II e III, ou a coautoría do informe Recuperación da documentación e memoria do Movemento Feminista Organizado en Galicia.


 

Publicacións nas que participou Mariám Mariño Costales

Portada de  Informe sobre os arquivos públicos en Galicia.
INFORME

Informe sobre os arquivos públicos en Galicia.

Unha perspectiva de xénero e feminista
Portada de  Xénero e documentación
LIBRO. ACTAS

Xénero e documentación

Unha ferramenta de achega ao tratamento documental