Lois Alcayde Dans

----

Lois Alcayde Dans

Biografía de Lois Alcayde Dans


(A Coruña, 1997) Escritor e xornalista. No 2016 foi, con 19 anos, gañador do I Premio Balbino de relatos polo libro Camiños na sombra. En poesía foi gañador no 2018 do 2º Premio Mazarelos da USC na súa IV edición polo conxunto poético “Xente da Crise” e obtivo, no 2019, o XX Premio Díaz Jácome de Poesía para Novos Creadores co libro "Anoar". No 2019 publicou en Galaxia o libro de relatos Os Jeans de María. Participou, xunto a máis poetas, na antoloxía "Poesía Galega Novísima", editada no 2020 por Urutau.

Foi redactor para os servizos informativos da TVG e é membro da emisora comunitaria CUAC FM, da que foi Coordinador de Comunicación. Escribe nas revistas O Salto e Luzes, na que é membro do seu comité de redacción. Colabora no suplemento dos sábados dos Nós Diario, o Sermos Galiza. Coordinou ata 2020 a sección de xornalismo da revista Ligeia. Ten publicada creación literaria na revistas Grial e Dorna. Cursou o Grao en Xornalismo na Universidade de Santiago de Compostela, onde está a realizar estudos de mestrado na facultade de Ciencias da Comunicación.

No audiovisual traballou como guionista para a Real Academia Galega (RAG) no proxecto "Conseguiremos", unha serie de cinco capítulos para a promoción do galego na mocidade estreados no 2020 e 2021. Estivo ao cargo do guión do documental "Outra Coruña Posible: Domingos Merino", un documental sobre o primeiro alcalde democrático da Coruña despois da ditadura franquista, estreado en 2018.

Publicacións nas que participou Lois Alcayde Dans

Portada de O equilibrio dos extremos
LIBRO

O equilibrio dos extremos

: Xela Arias en 12 voces

Unha nova atea

s/t