Alfonso de la Torre

1960 Madrid

NOTA: Nesta páxina lístanse as referencias a unha persoa en diferentes proxectos, eventos ou publicacións do Consello da Cultura Galega. Trátase dun proxecto de etiquetado en continuo crecemento e ampliación, e que non está concluído. En ningún caso, a páxina pretende ser unha biografía da persoa mencionada nin incorporará materiais externos ao CCG ao respecto.

Biografía de Alfonso de la Torre

1960- Madrid
Asesor de arte, proxectos museográficos, coleccións públicas e privadas e un dos maiores coñecedores de catálogos razoados, realizou a “Obra gráfica de Manolo Millares”, “Pablo Palazuelo”, “Fernando Zóbel”, “Manuel Rivera” ou “Manolo Millares”.
Traballou para a coñecida Colección CIRCA XX-Pilar Citoller e foi o seu director conservador dende 1999. Colaborou tamén como experto, por exemplo, nas coleccións Caja Madrid, Caixa Galicia, GMG (México), Ibercaja, Montes Gonzalez ou El Coto.

Teórico e crítico de arte, especialista en arte española contemporánea. Comisariou máis dun centenar de exposicións, publicou ensaios e poesía e tamén impartiu cursos en diversas universidades e institucións: MNCARS, Museo de Teruel, Universidad de los Andes, Universidad de Córdoba, Universidad de Granada, Universidad de Castilla-La Mancha ou Université de La Sorbonne.

Dirixe a colección de ensaios fotográficos El Ojo que Ves (Universidad de Córdoba-La Fábrica), da que se editaron sete volumes sobre autores visuais contemporáneos. Traballa actualmente, por encargo da Fundación Juan March, nun proxecto expositivo sobre Paul Klee e a súa relación coa arte española: Paul Klee. Los irredentos kleeianos.

É vicepresidente da Fundación Pilar Citoler, responsable desde 1999 da Colección Circa XX, integrada recentemente na colección do Goberno de Aragón.