Roberto Fresco

----

Roberto Fresco


NOTA: Nesta páxina lístanse as referencias a unha persoa en diferentes proxectos, eventos ou publicacións do Consello da Cultura Galega. Trátase dun proxecto de etiquetado en continuo crecemento e ampliación, e que non está concluído. En ningún caso, a páxina pretende ser unha biografía da persoa mencionada nin incorporará materiais externos ao CCG ao respecto.

Biografía de Roberto Fresco


Organista titular da Catedral de Santa María la Real de la Almudena e profesor de órgano do Centro Superior de Enseñanza Musical Katarina Gurska de Madrid.


Inicia a súa educación musical na súa cidade natal e posteriormente continúaa no Real Conservatorio Superior de Música de Madrid. Entre 1994 e 1996 estuda na Hochschule für Musik de Viena con Michael Radulescu, personalidade á que debe boa parte do seu pensamento musical. Pero foi a organista española Montserrat Torrent quen exerceu verdadeira influencia sobre el en cuestións tanto interpretativas como pedagóxicas, especialmente no que á música española se refire.


A súa carreira como concertista e profesor levouno por Europa, EE. UU., América Latina e as illas Filipinas.


Colabora habitualmente con solistas e grupos vocais e instrumentais, abordando repertorios que abarcan seis séculos de música para órgano. Tamén realizou diversos traballos discográficos que inclúen tanto música antiga como do século XX. Foi profesor de órgano e clave en diversos conservatorios de Madrid, Salamanca e Palencia.


É fundador e director da Academia de Órgano “Fray Joseph de Echevarría”, que se realiza nos órganos históricos de Tierra de Campos (Palencia) e que ten como finalidade a promoción dos órganos antigos españois e de toda a literatura que foi escrita para eles. Neste mesmo sentido, ocupa desde 2014 a cátedra de órgano dos Cursos Universitarios Internacionais de Música en Compostela.

Roberto Fresco nas actividades do CCG