A relación entre arte e espazo público significouse historicamente, e segue presentándose na actualidade, como unha das grandes e complexas problemáticas da cultura contemporánea. Desde a Sección de Creación e Artes Visuais Contemporáneas do Consello da Cultura Galega achegámonos a esta realidade comprendéndoa como un pretexto para a reflexión, un laboratorio de traballo na busca dunha diagnose e unha análise de presente e futuro. Esta problemática non ten doadas nin únicas respostas e é máis acentuada no territorio galego, que, lonxe de proxectar posibles solucións ou vías de mellora, describe unha necesidade máis global de análise que afecta a outros ámbitos, necesitados de estudo, que oscilan desde as políticas culturais e os planeamentos urbanísticos até as novas actuacións artísticas.Estas cuestións son básicas en calquera estudo de realidades, contextos e proxectos da cultura contemporánea, e foron motivo de reflexión nas xornadas que, co mesmo nome deste informe, Arte + espazo público, tiveron lugar entre abril e decembro de 2009. O presente volume recolle as diferentes análises que xiraron sobre a cuestión e os modos interpretativos e disciplinares de abordala, que agardamos que activen un debate entre arte e espazo público, formulado como preguntas constantes sobre a nosa relación responsable e programada co territorio. Cuestións sempre abertas e críticas da nosa cultura contemporánea.
| Titulo | Arte + Espazo público |
| Edición |
María Luisa Sobrino Manzanares Natalia Poncela |
| Autoría |
Nelson Brissac Camilo Franco Pablo Gallego Sophie Hope Rogelio López Cuenca Simón Marchán Francesc Muñoz Carme Nogueira Antón Patiño Pérez Xosé Manuel Rosales Javier Tudela |
| Publicación | Santiago de Compostela: Consello da Cultura Galega, 2011 |
| Edición | 1ª edición |
| Descrición física | 87 p. : il. cor ; 28 cm. + 1 disco (DVD) |
| Notas | O dvd contén un documental realizado a partir dunha serie de reportaxes producidas para as xornadas Internacionais Arte + Espazo público, que tiveron lugar entre abril e decembro do 2009 na sede do Consello da Cultura Galega en Santiago de Compostela. |
| ISBN | 978-84-92923-20-5 |
| Depósito Legal | C 567-2011 |
| CCG. Signatura | CCG 2011 397 |
| Colección | documentos & informes; Núm:16 |
| Materias | |
| Código QR |
|
![Portada de Dramaturxias Itinerantes [ed. 2020]](http://www.consellodacultura.gal/mediateca/extras/CCG_2020_Dramaturxias-Itinerantes_ed-2020.jpg)
