Os encontros Cultura e Concellos consideraron e avaliaron os novos desafíos que os cambios social e cultural presentaban ás políticas culturais municipais. Traballaron asemade a prol da redefinición do espazo local no marco global e, naturalmente, no virtual. Esas realidades culturais, acrecentadas significativamente no marco do sistema de autonomía e autogoberno de Galicia, cambiantes no fondo e nas formas e cada vez máis diversificadas na dialéctica local-global, seguen merecendo particular atención.
Ese novo escenario demanda tamén novos instrumentos de sistematización informativa, fornecemento de datos e acceso documental para encher ese baleiro. Partindo desa necesidade editouse este informe, que continúa unha liña de investigación iniciada co estudo As políticas culturais nas sete principais cidades galegas, ao que se sumou despois o informe Situación e perspectivas sociolaborais dos técnicos de cultura dos concellos galegos. Trátase de propiciar o desenvolvemento de políticas culturais sobre unha evidencia empírica, de afondar na reflexión sobre a política cultural e de comprender mellor o papel que teñen as industrias culturais en relación ao crecemento económico e á calidade de vida. A esa reflexión ha contribuír este informe que agora presentamos, logo dunha detallada recolleita de datos en 273 dos 315 concellos galegos.
Ese novo escenario demanda tamén novos instrumentos de sistematización informativa, fornecemento de datos e acceso documental para encher ese baleiro. Partindo desa necesidade editouse este informe, que continúa unha liña de investigación iniciada co estudo As políticas culturais nas sete principais cidades galegas, ao que se sumou despois o informe Situación e perspectivas sociolaborais dos técnicos de cultura dos concellos galegos. Trátase de propiciar o desenvolvemento de políticas culturais sobre unha evidencia empírica, de afondar na reflexión sobre a política cultural e de comprender mellor o papel que teñen as industrias culturais en relación ao crecemento económico e á calidade de vida. A esa reflexión ha contribuír este informe que agora presentamos, logo dunha detallada recolleita de datos en 273 dos 315 concellos galegos.
| Título | situación sociocultural dos concellos galegos de menos de 50.000 habitantes, A II Mapa cultural de Galicia |
| Autoría |
Xesús A. Lage Xosé Elías Trabada Crende Mercedes Fernández Gestido |
| Presentación |
Ramón Villares |
| Publicación | Santiago de Compostela: Consello da Cultura Galega, 2011 |
| Edición | 1ª edición |
| Descrición física | 156 p. : gráf. ; 28 cm. |
| ISBN | 978-84-92923-19-9 |
| Depósito Legal | C 1809-2011 |
| CCG. Signatura | CCG 2011 410 |
| Url externa | Catálogo RBG |
| Colección | documentos & informes |
| Materias | |
| Código QR |
|
![Portada de Dramaturxias Itinerantes [ed. 2023]](http://www.consellodacultura.gal/mediateca/extras/CCG_2023_Dramaturxias-Itinerantes-ed-2023.jpg)
