Co gallo da celebración do Día das Letras Galegas de 2018 en homenaxe a María Victoria Moreno, o Consello da Cultura Galega publica en edición facsimilar Mar adiante, a súa primeira novela en lingua galega e unha das novelas fundadoras da literatura infantil en galego. A obra recolle o relato dunha mestra que lle contou un día ao profesorado do seu colexio que viña de poñer escola nun barco, o Arroás. Como non a creron, e ela sabe que non o soñou, escribe a historia para que o seu alumnado a coñeza.
Esta edición conmemorativa está enriquecida cun texto orixinal da autora, ilustrado por ela mesma, pero que non era coñecido do público: o conto mecanoscrito «Crarisca». Ademáis, dous estudos previos dotan esta publicación dun trazo moi orixinal: un estudo propio de experto en historia literaria, Xesús Alonso Montero, e un texto escrito por Sara Alonso Pimentel en forma de carta persoal que dá resposta a «unha conversa pendente».
Título Mar adiante
historias de nenos pra nenos
Autoría María Victoria Moreno
Estudo Xesús Alonso Montero
Sara Alonso Pimentel
Limiar Ramón Villares
Obxecto de estudo María Victoria Moreno
Publicación Santiago de Compostela: Consello da Cultura Galega, 2018
Edición 1ª edición
Descrición física 44, 60 p. : il., cor; 22 cm. +1 folleto (11 p.)
Notas Contén: 1.- Limiar, por Ramón Villares. 2.-Estudos: Mar adiante, de María Victoria Moreno, na vida da autora, na miña e na dos meus, por Xesús Alonso Montero; Intensa intermitencia: unha conversa pendente, por Sara Alonso Pimentel. 3.- Facsímile Mar adiante: historias de nenos pra nenos
ISBN 978-84-92923-90-8
Depósito Legal C 588-2018
Url externa Catálogo RBG
Materias
Áreas
Código QR