A Colección Clásicos da Emigración presenta unha escolma de libros que desfrutan da consideración de ser obras clásicas para o coñecemento e análise da emigración galega nas súas diversas épocas, destinos e facetas e que hoxe en día son difíciles de atopar en bibliotecas ou librarías. A publicación facsimilar acompáñase dun estudo crítico.
O Estudio sobre emigración de Eduardo Vincenti foi certamente innovador no contexto intelectual e político no que se produciu, tanto polos obxectivos que perseguía como polas súas características. Elaborou unha pormenorizada guía para orientar ás persoas emigrantes nunha conxuntura de éxodo masivo a América. Apenas entra no debate sobre a natureza deste e as súas consecuencias porque asume o dereito das persoas a decidir que proxectos desenvolver para mellorar as súas vidas. Coidaba, como bo liberal, que a suma desas saídas e retornos producía beneficios para a sociedade galega ou era, cando menos, un «mal conveniente» porque «vuelven trayendo más que llevaron».
Titulo Estudio sobre emigración
Autoría Eduardo Vincenti
Estudo introdutorio Raúl Soutelo
Presentación Rosario Álvarez Blanco
Antonio Rodríguez Miranda
Publicación Santiago de Compostela: Consello da Cultura Galega, 2019
Edición 1ª edición
Entidade Consello da Cultura Galega
Descrición física 59, 360 p; 21 cm
Notas Contén: 1.- Eduardo Vincenti, un publicista a prol da emigración / [estudo introductorio de] Raúl Soutelo Vázquez. 2.- Estudio sobre emigración/ [facsímile] Eduardo Vicenti y Reguera
ISBN. Ed. papel 978-84-17802-08-0
Depósito Legal. Ed. papel C 2114-2019
ISBN. Ed. pdf 978-84-17802-08-0
Depósito Legal. Ed. pdf C 2114-2019
Colección Clásicos da Emigración; Núm:2
Materias
Áreas
Código QR