Presentar de forma ordenada e comprensiva os coñecementos actuais sobre o clima galego, desde a saída da última glaciación ata os nosos días, e engadir a esta historia do clima galego algunhas reflexións sobre a historiografía do clima son os dous grandes obxectivos desta publicación.
Esta historia da meteoroloxía e climatoloxía galegas que presenta o Consello da Cultura Galega está dividida en dúas grandes partes. A primeira delas inclúe tres apartados: un primeiro, e fundamental, en que se describen as principais etapas do desenvolvemento destas ciencias en Galicia, enmarcadas no contexto histórico mundial e español; un segundo, en que se ofrece unha pequena historia dos primeiros observatorios, que foron esas unidades funcionais fornecedoras dos datos meteorolóxicos; e, finalmente, un apartado complementario no que se recollen algúns exemplos do instrumental utilizado nos observatorios.
A segunda parte desta historia da meteoroloxía e climatoloxía galegas trata sobre a historia do clima en Galicia, que se considerou de interese e pertinente para a súa inclusión neste volume porque era o resultado máis tanxible desas actividades que na primeira parte se describían e porque o propio clima ten tamén unha historia particular que axudaría a completar esa dimensión temporal tan necesaria para eses momentos de reflexión dos que tan debedora é a ciencia contemporánea.
Titulo Historia da meteoroloxía e da climatoloxía de Galicia
Coordinación Francisco Díaz-Fierros Viqueira
Autoría Javier Cancelo
Francisco Díaz-Fierros Viqueira
Luis Gómez-Orellana
María Luisa Losada Sanmartín
Castor Muñoz Sobrino
Eva María Otero Turnes
Pablo Ramil
Montserrat Recarey Pérez
Presentación Manuel Vázquez Fernández
Ramón Villares
Publicación Santiago de Compostela: Consello da Cultura Galega, 2008
Edición 1ª edición
Entidade Consello da Cultura Galega
Descrición física 209 p. : il. cor ; 28 cm + 1 CD-ROM.
Notas Editado coa colaboración da Consellería de Medio Ambiente e Desenvolvemento Sostible
ISBN. Ed. papel+cd-rom 978-84-96530-72-0
Depósito Legal. Ed. papel+cd-rom C 3717-2008
CCG. Signatura. Ed. papel+cd-rom CCG 2008 340
CCG. Código de barras Koha 3.21. Ed. papel+cd-rom CCG000000004
url. Ed. pdf en liña https://issuu.com/conselloculturagalega/docs/historia_da_meteoroloxia
Materias
Código QR