Instrumento do día

“Mirlitón”

AV Os membranófonos Membranas cantadoras

Trátase doutra membrana cantadora. Os nenos preparaban este xoguete sonoro cun anaco de cana das escobas. Serraban os dous nós que limitan cada tramo e no tubo así obtido, con axuda dun ferro quente ou unha navalla, practicaban un furado duns 10-12 mm de diámetro nun dos laterais do tubo. Un dos extremos ficaba aberto, mentres o outro recubríase cun papel de fumar ou cunha pel de cebola seca, desas marróns e finiñas que rodean estes bulbos. Esta membrana asegurábase atándoa cun cordeliño arredor da cana. Poñendo os beizos de arredor do furado e cantando por el, non soprando lateralmente coma nunha frauta traveseira, a membrana vibra coa voz producindo unha curiosa melodía. No xa citado traballo coordinado por Jaime López Picallo 1, mencionan un instrumento moi semellante (toques), no que a membrana que vibra obtense adelgazando un lateral do tubo de cana ata que o seu grosor lle permite vibrar.

Este instrumento musical é denominado tecnicamente mirlitón 2En portugués este instrumento recibe tamén o nome de mirlitón. Segundo Houaiss procede do francés e … Ler máis

Ver notas
  1. [1] López Picallo, J. (Coor.) Borreiros Freire, E., Rodríguez Rodríguez, S. e Rubio Alvariño, M.T. Xoguetes e Sons da Natureza. Ed. Xunta de Galicia, (2ª Ed.) Santiago, 2004; p. 71. ↩
  2. [2] ↩

Unha versión interactiva do libro

Este web é a versión interactiva do libro Os instrumentos musicais na tradición galega de Pablo Carpintero Arias [ fb ] e publicado orixinalmente en papel pola Difusora de Letras, Artes e Ideas. Esta versión interactiva, promovida polo Arquivo Sonoro de Galicia do Consello da Cultura Galega, explota as capacidades multimedia e de organización de Internet para difundir universalmente o acervo musical da cultura galega. Ler máis

Máis contidos da edición impresa: Prólogo, Proemio, Agradecementos


Patrocinadores e colaboradores