Material
Historias de ida e volta
O navío Santa Maria e a Operación Dulcinea
Capa do libro El asalto al “Santa Maria”, editado en Caracas en 1966
Detalle
Este libro foi escrito por Francisco Rico, un dos membros do Comando do DRIL e protagonista do secuestro. Nel relata todo o acontecido durante este.Aínda hoxe fican moitos aspectos deste episodio sen coñecer. Henrique Galvão concedeu numerosas entrevistas, mais apenas mencionou o papel dos galegos na operación. E o Comandante Soutomaior publicou en 1978 un libro sobre o tema.
Grazas á profesora e cineasta Margarita Ledo Andión, co seu documental «Santa Liberdade» de 2004, saíu do relativo esquecemento a importancia do grupo galego nesa aventura revolucionaria. Existen hoxe numerosos traballos de pescuda, realizados por Xurxo Martiz Crespo, Aser Álvarez, Xan Leira e Xavier Montanyà, entre outros, que salientan o protagonismo intelectual e táctico nos feitos do celanovés Xosé Velo.