Xornada - Acceso á cultura e territorio. 22 de abril de 2025
Acceso á cultura en Galicia 2025

Acceso á cultura e territorio

  1. Inicio
  2. Acceso á cultura en Galicia 2025
  3. Xornada

Acceso á cultura en Galicia 2025

Acceso á cultura e territorio

22 de abril de 2025
Amiadoso, Allariz (Ourense)
Xornada
Acceso á cultura en Galicia 2025

Acceso á cultura e territorio

22 de abril de 2025 Amiadoso, Allariz (Ourense)
PRAZAS ESGOTADAS
Abrirase unha listaxe de agarda.
As persoas interesadas poden enviar un correo a difusion@consellodacultura.gal para cubrir posibles cancelacións.
O Consello da Cultura Galega leva desde 2023 traballando especificamente o tema dos dereitos culturais, que nos últimos tempos está a consolidarse como unha corrente que ter moi en conta nas políticas culturais públicas, como proban a creación da Dirección Xeral de Dereitos Culturais do Goberno do Estado, a elaboración en marcha do Plan de Dereitos Culturais estatal e as leis xa aprobadas que regulan esta materia en territorios como Navarra ou as Illas Canarias.
Durante este ano 2025 a Comisión Técnica Temporal de Xestión e Políticas Culturais do CCG quere continuar traballando nesta corrente de actualidade co obxectivo de analizar se as políticas culturais galegas están seguindo este «novo paradigma» das políticas públicas.
A forma de facelo será a través de catro xornadas de debate e recollida de información que se desenvolverán de marzo a xuño atendendo a catro perspectivas do dereito de acceso á cultura: o dereito a participar, a perspectiva territorial (nun país con tanta dispersión coma o noso), o acceso e a comunicación e a interseccionalidade.
Destas catro recollidas e dos informes extraídos darase conta nunha xornada de outono na que tentaremos analizar se os dereitos culturais se están a cumprir en Galicia.

RECOLLIDA 2 | ACCESO Á CULTURA E TERRITORIO
As dinámicas das accións culturais no seu territorio terán unha compoñente de valor no ámbito da cohesión social, da sustentabilidade ou do apoderamento e a emancipación crítica das sociedades. Nesta segunda xornada (recollida de información), abordamos tal relación entre acceso á cultura e territorio coa finalidade de obter datos neste sentido a partir de experiencias realizadas nas comarcas do interior de Galicia, especialmente afectadas polo despoboamento, o abandono, a problemática medioambiental e o empobrecemento do territorio.
Existen políticas ou proxectos que garantan os dereitos culturais e se adapten ás dinámicas e realidades territoriais? Estes proxectos parten da cidadanía ou das administracións? Son iniciativas exportadas ou as iniciativas culturais nacen do propio territorio e da comunidade rural? A Administración pública pon os medios e recursos necesarios para garantir a diversidade do ecosistema cultural e o seu pleno desenvolvemento? Que condicionamentos positivos e negativos teñen eses recursos? O dereito a participar está garantido totalmente? Que sabemos da cogobernanza? Son cuestións que abordaremos no contexto da Casa Vella, un espazo de creación e investigación artística na aldea de Amiadoso (Ourense).
Programa
Acceso á cultura e territorio
Programa en PDF
Prensa
21-04-2025

Unha xornada analiza desde Allariz a relación entre cultura e territorio

Ficha técnica 
Xornada
Acceso á cultura en Galicia 2025
Acceso á cultura e territorio
Cando
22 de abril de 2025
Onde
Amiadoso, Allariz (Ourense)
Lugar

A Casa Vella
Estrada a Amiadoso, 65A
32665 Amiadoso
Allariz (Ourense)

Coordinación
Roberto Pascual Rodríguez
Organiza
Comisión técnica xestión e políticas culturais
Consello da Cultura Galega
Colabora
A Casa Vella